Саясаттанушы: «Шенділер қазақ тілін менсінбеуін доғармаса, түбі жамандық болады»

 +7 (7172) 308 571

Написать нам
Написать нам в WhatsApp: +7 (707) 888 02 16
06.10.2017 в 15:16

Саясаттанушы: «Шенділер қазақ тілін менсінбеуін доғармаса, түбі жамандық болады»

Саясаттанушы: «Шенділер қазақ тілін менсінбеуін доғармаса, түбі жамандық болады» Фото bo32.ru

Елге белгілі саясаттанушы Расул Жұмалы жылы "креслода" отырған шенділерге ескертпе жасады, деп хабарлайды NewТimes.kz ақпараттық агенттігі.

Саясаттанушының пікірінше, елдегі кейбір шенділер мемлекеттік тілге «пысқырып» та қарамайды. Яғни, менсінбейді. Расул Жұмалы оның соңы жақсылыққа әкелмейтінін кесіп айтты.

«Биыл Қазақстанның мемлекеттік тілі Қазақ тілі деп жарияланғанына 28(!) жыл толды. Алайда көргеніміз - баяғы жартас: Бөгде тілдегі министр, әкім, депутат, қоғамға қызмет, ақпарат, теледидар, мәдениет, т.б. Бұл аралықта совет шекпенінен шыққан бар республикада мемлекеттік тіл жаңғырды, құтты орнына жайғасты, жалғыз бізде Қазақ тілі қудалануда. Әйтпесе Қазақша қызмет сұраған азамат неге сотталады, енді бірі ондай талабы орындалмағанда неліктен аштық жариялауға бекінеді? Қазақстандай өз тілінің жанашырын қорлаған ел бар ма әлемде? Расы сол, билік үндемесе де, заман өзгерді, халықтың санасы мен намысы оянды. Шыдамның да шегі бар. Айтпағым бір: шенділер осылайша Ата заң мен Қазақ тілін менсінбеуін доғармаса, түбі жамандық болады» деп жазды саясаттанушы желі парақшасында.

Жазба авторының бұл пікірі желіде қызу талқыланып, қолданушылар мемлекеттік тіл мәртебесін көтеруге қатысты өз пікірлерін жаудырды. Соның ішінде танымал тарихшы Ғали Әзімбай «Мемлекеттік тілді білмейтін министр көп, атын атап шайқаса беру керек» деген ойын жеткізді.


Редакция

Любое использование материалов допускается только при наличии гиперссылки на ИА «NewTimes.kz» в первом абзаце. При цитировании информации гиперссылка на ИА «NewTimes.kz» обязательна. Использование материалов ИА «NewTimes.kz» в коммерческих целях без письменного разрешения агентства не допускается.

© 2012-2017, «NewTimes.kz». Все права защищены.
Об агентстве. Правила комментирования. 
Реклама на сайте

Мы в соцсетях

       

Приложения Newtimes для:
iPhoneAndroid

Яндекс.Метрика