+7 (7172) 79 78 20

Написать нам в WhatsApp: +7 (700) 402 32 92
10.08.2016 в 13:16

Амандық Баталов Олимпиаданың қола жүлдегерін құттықтады

Алматы облысының әкімі Амандық Баталов қазақстандық спортшы Карина Горичеваны  Олимпиада ойындарында қола алуымен құттықтады, деп хабарлайды NewTimes.kz.

9 nамызда Рио-де-Жанейрода өтіп жатқан Олимпиада ойындарында зілтемірші қыздар арасындағы сайыста қазақстандық Карина Горичева қола медальге қол жеткізген болатын.

63 келідегі әйелдер арасындағы сайыста қазақстандық Карина Горичева қола медальге ие болып, еншімізге төртінші медальді салды. Жалпы, қытай мен кәріс спортшылары арасындағы бәсекеде үш бірдей Олимпиада рекорды жаңарып, бір мәрте әлем рекорды қайта өзгерді.

Осы орайда Каринаны жеңісімен облыс әкімі Амандық Баталов құттықтап, арнайы жеделхат жолдады.

«Барша қазақстандықтармен бірге жетісулықтар да сіздің шаршы алаңға шыққан сәттеріңізді қалт жібермей, қадағалап отырды. Біздің үмітіміз ақталды, қазақстандық ауыр атлеттердің әлемнің ең үздік спортшылары қатарында екенін дәлелдеп, жоғары көрсеткішке қол жеткізіп, еліміздің абыройын асқақтаттыңыз. Бұл жеңіс – күн сайынғы жаттығуда төгілген тердің, жаттықтырушылардың табанды еңбегінің өтеуі, жалынды жігер мен қайсар мінездің, жанкүйерлердің қызу қолдауының нәтижесі. Бұл жеңіс сіздің спорттық сапарыңыздағы толайым табыстардың басы ғана деп білеміз», — делінген жетелхатта.

Облыс басшысы А. Баталов Карина Горичеваға және ауыр атлеттер командасына Олимпиададағы жеңісті жолдың жалғаса беруіне тілектестігін білдірді.

Карина Горичева 1993 жылы 8 сәуірде дүниеге келген. 63 келі салмақта өнер көрсетеді. Ауыр атлетиканы 15 жасынан бері жанына серік еткен. Ерекше дарынды балаларға арналған республикалық мектеп-интернатының түлегі. Ол жасөспірімдер арасындағы Әлем чемпионатының күміс, қола жүлдегері және жасөспірімдер арасындағы Азия чемпионатының қола жүлдегері. ҚР халықаралық дәрежедегі спорт шебері.


Редакция

Новости Казахстана

Полное воспроизведение или частичное цитирование материалов агентства допускаются только при наличии в первом абзаце гиперссылки на непосредственный адрес материала на сайте ИА «NewTimes.kz». Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 797820
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика