+7 (7172) 79 78 20

Написать нам в WhatsApp: +7 (700) 402 32 92
11.09.2016 в 15:56

Мақтаралдық мешіттер Құрбан айтты тазалықтан бастады

Қасиетті Құрбан айт мерекесі қарсаңында Оңтүстік Қазақстан облысы Мақтарал ауданының мешіттері жаппай тазалық жұмыстарын жүргізді. Бұл туралы Мақтарал аудандық «Нұғман» мешітінің баспасөз қызметі хабарлап отыр.

Мешіттің имамдары өздерінің осынау игі істерінің бастауында қасиетті Құрандағы Алланың бұйрығы тұрғанын айтып отыр.

«Алла тағала қасиетті Құранда: «Расында Алла, тәубе етушілер мен тазаланушыларды жақсы көреді», — деп тазалыққа аса мән беруді бұйырған. Сонымен қатар, Алла елшісі, ақырет пайғамбары болған Мұхаммед (с.а.с) өз хадисінде: тазалық – иманның жартысы деген. Мұсылман адам өзін және айналасындағыларды да әрдайым тазалықта болуын қадағалауын ескерткен. Және де Алланың үйі – мешіттерді де әрқашан таза әрі көрікті етіп ұстау мұсылманға міндет десек, қате айтпаған боламыз. Сол үшін де келе жатқан қасиетті Құрбан айтқа байланысты ауданымызда орналасқан барша мешіттерде жамағат, ауыл-қала тұрғындары қолдауымен тазалық жұмыстары жүргізілді, - дейді «Нұғман» мешітінің бас имамы.

Осынау тазалық шарасы барысында шалғай ауылдарда орналасқан мешіт имамдарына ауыл жамағаты түгелдей көмек беріп, мешіт іші және сырты абаттандырылып, күл қоқыстардан тазартылған. Атап айтқанда, орталық аудандық «Нұғман» мешітінде мерекеге орай бүкіл көгалды шөптер қырқылып, су бұрқақтары түзетілсе, Абай ауылдық жамағат мешіті ұйымдастыруымен мешіттің ішкі-сыртқы сылақтары түгелімен сыланып, боялыпты.

Сонымен қатар, Жетісай қаласына қарасты «Әт-Тақуа» мешіті жамағатының қолдауымен 50 қап цемент сатып алынып, кіре беріс пен есіктің алды тегістелді. Қазыбек би ауылдық округінде орналасқан «Құрбан ата» мешіті жамағаты мешіт бағын арам шөптерден тазаласа, Жетісай қалалық «Әл- Құддыс» мешіті есік алдын түгелімен мәрмәр қаптамалармен қаптады. Тазалық жұмыстары бұдан әрі қарай жалғасын табады дейді дін өкілдері.

Айта кетейік, биыл қасиетті Құрбан айт мерекесі 12 қыркүйекте басталып, үш күнге созылады.


Редакция

Новости Казахстана

Полное воспроизведение или частичное цитирование материалов агентства допускаются только при наличии в первом абзаце гиперссылки на непосредственный адрес материала на сайте ИА «NewTimes.kz». Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 797820
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика