Желіде әлдебір азаматтың намазға жығылар сәтте жайнамазды дұрыс таңдау керек деген кеңесінің видеосы пайда болды, деп хабарлайды NewТimes.kz ақпараттық агенттігі.
Онда ер жігіт бірнеше жайнамазды қатар жайып, барлығына сипаттама беріп өткен. Айтуынша, ондағы суреттерде шайтанның көзі көрінеді екен. Және ол құлшылық жасаушының ойын бұзатын көрінеді. Алайда мұны көрген қолданушылар жігіттің өзін сөгіп тастады. «Ой, жоқ, ұқсатсаң келе береді «любой» сурет...», «Негізі жайнамаз деген ол таза мата немесе таза төсеніш болса болды. Адам өз ойына түрлі ой алып, өнердің барлығы болмаса да көбісі екі көзге немесе мүйізге ұқсас келеді, содан шошынады. Негізі намаз жайың таза болса болды», "Дым да болмайды. Намаз оқып бастағаннан жын шайтандар қашып кетеді. Себебі құранның құдіреті күшті", «Алла деп бас иіп жатқаннан соң оның бәрі бос сөз, ниеті түзу адамды ешқандай сурет шошытпайды. Өзіңнің көзіңе көрінгенді елге жайып, пендені діннен неге үркіте бересіңдер? Адам сәл ауайын дегенде көзіне жын-перілер көрінеді, құлағына дауысы естіледі. Алланың атын атап жіберсең болды, ондай саған жоламайды» деп жазды желі қолданушылары. Дегенмен видеоны көрушілер арасында кеңес берушінің сөзіне құлақ асып, расымен де мән беру керектігін атап өткендер де бар.
