«On’tu’stik startap» байқауы «Жас Отан» жастар қанатының филиалы, облыстық жастар саясаты мәселелері басқармасымен бірлесіп жариялануда, деп хабарлайды NewTimes.kz.
Аталмыш жоба облыстық жастар саясаты мәселелері басқармасының мемлекеттік әлеуметтік тапсырысы шеңберінде іске асырылады.
Байқаудың ерекшелігі — «ON’TU’STIK» телеарнасында телевизиялық форматта өтетін болады. Айта кетейік, инновациялық жобалар байқауы Оңтүстік Қазақстан облыстық кәсіпкерлер палатасының қолдауымен іске асырылады.
Негізгі мақсаты – еліміздің экономикасының тұрақты дамуын қамтамасыз ететін үздік жобалар мен технологияларды анықтау және жастардың кәсіпкерлік бастамаларын қолдау. Байқаудың жалпы жүлде қоры – 2 млн теңге.
Өзектілігі – мемлекет басшысының «Болашаққа бағдар: рухани жаңғыру» атты бағдарламалық мақаласындағы «Бәсекелік қабілет» ұстанымын жастар арасында кеңінен насихаттау.
«Біз бұл байқауды дәстүрлі түрде, жыл сайын өткізуді жоспарлап отырмыз. Себебі, кәсіпкерлік саласы — еліміздің дамуына серпін беретін маңызды салалардың бірі. Жастар кәсіпкерлігін қолдау, экономиканың бәсекеге қабілеттілігін арттыратынын қазіргі уақыттағы дамыған мемлекеттердің тәжірибиесі көрсетіп отыр», — дейді ОҚО жастар саясаты мәселелері басқармасының басшысы Балмаржан Нарбекова.