Қазнетте ауылда жасалған ырымның видеосы таралды. Оны қызу талқылап, мән-мағынасын түсіндіріп жатқандар бар, деп хабарлайды «NewTimes.kz» агенттігі Express Qazaqstan-ға сілтеме жасап.
Видеода егделеу жастағы әйел жаңа сойылған малдың бір түйір етімен жас келіннің басынан, алақанынан ұрады.
«Желі қолданушыларының бірі бұл ертеден келе жатқан ырым екенін жазады. Бала көтере алмай жүрген немесе өмірге тек қыз бала әкелген келіндерді, аналарды қойдың ұлтабарымен ұрған. Егер піскен болса, арнайы «ұл тап» деп жегізетін», — дейді Алтынгүл Өнерқызы.
Пікір жазушылардың көбі бұл ырымды бірінші рет көріп тұрғанын айтқан.
Қазақтың ырымы ма жоқ па белгісіз, бірақ өте қызық көрінетіні мәлім.