Халық әртісі Мақпал Жүнісова жалғыз қызы Мерей — туған қызы емес екенін мәлімдеді. Оның шындықты айтқан видеосы әлеуметтік желіде кеңінен тарады. Мұнда Мақпал Жүнісова қызы тастап кеткенін жылап тұрып айтады, деп хабарлайды sn.kz.
«Сәлеметсіздер ме! Бұл менің шаңырағым. Мен сіздердің алдарыңызда Заманбек Қалабаевич үшін өтірік алдадым, кешіріңіздер! Мерей менің туған қызым емес, ол менің туған бауырымның қызы. Мен шындықты айтқаным үшін қызым менен кетіп қалды. Біз қызды зорлықпен алған жоқпыз, екі баламыз түсіп қалғаннан кейін олар өздері берген, «асырап беріңдер» деп. Асырадық, Зәкең өзінің тегін берді. Енді мен ол қыздың алдында, халқым, мен басымды имеймін. Кетсе кете берсін. Бүгін кетіп қалды, келмесе кетсін мәңгіге. Өзінің туған әке-шешесі бар, туған бес бауыры бар. Барсын! Асырадым. Өз қызымдай көрдім. Зәкеңсіз асырадым. Кетсе кете берсін, жібердім», – дейді әнші видеода.
Әнші түнімен жылап шыққанын, видеода сондықтан да көзін жасырып отырғанын айтады. Ал желі пайдаланушылары халық әртісіне түрлі қолдау сөз айтып жатыр.
Алайда, видеодағы әйелдің нақты Мақпал Жүнісованың өзі, әлде басқа бір әйел екені белгісіз.