Мәжілістің экс-спикері Нұрлан Нығматулиннің ұлдары басқаратын «Қазфосфат» минералды тыңайтқыштар шығаратын зауыттың бағасына қатысты материалдар қылмыстық іс қозғау үшін Қаржы мониторингі агенттігіне жіберілді, деп хабарлайды 7kun.kz.
«2021 жылдың қарашасында аммофос бағасының Т125-тен Т168 750-ге дейін өсуі байқалды, бұл жыл басымен салыстырғанда 35%-ға көп. Ал 2022 жылдың қаңтарында баға 185 625 теңгені құрап, 2021 жылдың қаңтарымен салыстырғанда 48,5%-ға өсті. Тергеу нәтижелері бойынша, Алматы қаласы бойынша департаментінің 2022 жылғы 31 мамырдағы бұйрығына сәйкес, «Қазфосфат» ЖШС қатысты материалдар сотқа дейінгі тергеу жүргізу үшін ҚР ҚБМ Алматы Экономикалық тергеу департаментіне (ЭТД) берілді», — деп хабарлады Бәсекелестікті қорғау және дамыту агенттігінде.
Ведомство хабарлауынша, материалдарды монополияға қарсы орган қайтарған жағдайда нұсқама енгізле отырып, әкімшілік құқық бұзушылық туралы іс қозғалады.
«Қазфосфат» ЖШС бағаны 185 мың теңге/тоннадан 173 мың теңгеге дейін төмендетті. Сонымен қатар компания аммофостың қосымша көлемі түрінде ескі және жаңа баға арасында тұтынушыларға төлемді қайтара бастады. Айырмашылықтың жалпы сомасы компанияның мәліметі бойынша 2,8 млрд теңгені құрады», – деп хабарлады Бәсекелестікті қорғау және дамыту агенттігінде.
Айта кетейік, 5 сәуірде монополияға қарсы ұйымдар «Қазфосфат» ЖШС-не қатысты сұранысқа ие ауылшаруашылық тыңайтқыштарының бірі аммофосқа айтарлықтай және негізсіз қымбаттау фактісі бойынша тергеу басталғанын хабарлаған болатын.
Ауыл шаруашылығы өнімдерінің бағасы елдегі азық-түлік құнына тікелей әсер етеді.