Экс-депутат, Бүкіләлемдік этноспорт конфедерациясының вице-президенті Бекболат Тілеухан табысы туралы айтты, деп хабарлайды Massaget.kz тілшісі.
Бұл туралы ол журналист Нұрсейіт Жылқышыбайдың «Уақыт көрсетеді» бағдарламасында бөлісті.
Оның айтуынша, қазір ол киноға түсіп жатыр.
«Құпия ештеңе жоқ. Келгенде 7 мың доллар (3 млн 249 мың 20 теңге - еск.) болған, қазір енді мұнда инфляция болып жатыр ғой. Сонымен азайып қалды. Қазір 4 мың 200 доллардай (1 млн 949 мың 412 теңге - еск.). Қанағатыңа байланысты. Негізі жетеді. Ел бар, жұрт бар. Жоқ десең, жоғалып қаласың», — дейді ол.
Еске салайық, бұған дейін экс-депутат Бекболат Тілеухан қазір немен айналысып жүргенін хабарлаған едік.