Сенат төрағасы Мәулен Әшімбаев «Қалаулым» (қазіргі «Бір болайық») бағдарламасының неге әлі күнге дейін жабылмағанын айтты, деп хабарлайды EL.kz ақпарат агенттігі.
Ол бұл бағдарламаның мемлекеттік арнада көрсетілмейтінін алға тартты.
«Қалаулым» («Бір болайық») бағдарламасы мемлекеттік арнада емес қой. Арнаның бір өзіндік саясаты бар шығар. Мәдениет және ақпарат министрлігі де осы мәселеге байланысты ұстанымдарын білдіретін болар. Сондықтан бұл сұрақты сол министрлікке қойған дұрыс», - деп жауап берді сенат төрағасы.