Димаш Құдайбергеннің қарындасы, жас кәсіпкер Раушан Құдайберген «Оян» бағдарламасында отбасылық бизнесі жайлы айтты, деп хабарлайды Aikyn.kz.
Раушан мейрамхана бизнесінің басы-қасында өзі жүретінін айтады. Бұл әкесінің бастамасымен ашылған кәсіп екен.
«Ата-анамның, әсіресе, әкемнің тарапынан туған ой. Соны біз де ұнатып, қостап, қолдап кеттік. Бірден құрылыс жұмыстарын жүргізіп, бизнес саласының қыр-сырын меңгеруге ізденіс жүргіздік. Негізінен ұсақ-түйек істерінің бәріне өзім араласамын. Негізгі шешімдер ата-анамның тарапынан болады. Бірақ күнделікті өзім бас-көз болып, ұжыммен тіл табысып, басқарып жүремін», — дейді Раушан Құдайберген.
Раушанның бизнес бастағанына жарты жыл болған. Бүгінде мейрамхана мәзірінде 66-дан астам тағам түрі бар.
«Қазақ мәзірі, қазақ асханасы өте бай. Біз білмейтін мыңдаған тағам түрі бар. Оның бәрін түрлі этнографтар, ғалымдар зерттеген. Ал біздің мәзірде 66-дан астам тағам түрі бар. Жақында 30-ға жуық тағам түрін қосамыз», — дейді ол.