Әлеуметтік желіде отандық әнші Қайрат Нұртастың кезекті концертінен видео тарады. Бұл жолы желі қолданушылары әншінің концертіне келген көрерменге ашуланған, деп жазады KAZ.NUR.KZ.
Видео кадрларынан Қайрат Нұртастың концертте әндетіп, артынша көрерменмен тілдесіп жатқанын аңғаруға болады. Ол аяғынан ұстаған тыңдарманға өтініш жасайды.
«Жаным, аяғымды ұстамаңызшы, ұяламын мен. Кәдімгі қарапайым адаммын ғой», — деп эстрада жұлдызы әндете кетеді.
«Осылай қуып кетсең... Қалайсыңдар, ағайындар?» — деп жалғастырады Қайрат Нұртас.
Мұны көрген оқырман концерт көруге барған халықты сынап тастады.
«Жабайылық қанымызда бар ғой»; «Аяғын не үшін ұстайды, адамдарда мәдениет қайда?»; «Қыздар зомби сияқты жабысып жатыр»; «Аузын ашса хит қой»; «Дұрыс қой, құлап кетсе жаман ғой»; «Қыздар, бұл өте төмен әрекет қой»; «Халықта мәдениет жоқ, тобыр болып кетті», — деп жазды жұрт.
