Ол бұл туралы желіге жазба қалдырып, естелік суреттерімен бөлісті, деп жазады Caravan.kz медиа-порталы.
«Алла некелеріңді хайырлы қылсын,екі дүниеде жұптарың жазылмасы иманды салихалы ұрпақтарың көп болсын, саған қызымыз аманат - деп, Рабиға мама батасын берді», - деген ол.
Сондай-ақ махр сұрау барысынан да үзінді жариялаған.
«Парыз амал орындалып, неке қиылды. Махр мәселесі уәжіп амал. Әйел адамзаты тұрмысқа шыққанда өз тағдырын тапсырады. Соған жауап ретінде сый берілуі керек. Ғалымдар екі ешкінің құнынан жоғары болуы керек дейді», - деген мешіт имамы.
Заңғар Нұртас «Махрге не сұрады деп ойлайсыздар?» деп жауабын жұмбақ қалдырып, елді қызықтырып қойыпты.
Көпшілік некенің баянды болуын тілеп, құттықтауларын жаудырып жатыр.