Қызылорда облысының әкімі Сырдария ауданында ұйымдастырылған «Дала күні» шарасына қатысты. Онда Гүлшара Әбдіқалықова алқапқа алғашқы дән сеуіп, жаппай күріш егу науқанын бастады.
Биыл облыста 183,1 мың гектар алқапқа егiн егіледі. Тең жартысы басты брендтік өнім — Сыр маржанына тиесілі. Ал басқа дәндi дақылдар 9,8 мың, майлы дақылдар 6 мың, мал азықтық дақылдар 61,6 мың, картоп, көкөнiс, бақша дақылдары 17,7 мың гектарға орналастырылады.
Көктемгі дала жұмыстарының уақытылы басталып, сапалы жүргізілуіне тиісті шаралар қабылданған. Облыс дикандары минералды тыңайтқыш және тұқыммен қамтамасыз етілуде. 14 мың тонна арзандатылған дизель отыны жеткізілді.
Соңғы жылдары өңірге 26 млрд теңгенің 1070 ауыл шаруашылығы техникасы алынды.