Ел шығысындағы инвестициялық әлеует пен болашаққа бағдарланған жобалар

Ел Президенті Қасым-Жомарт Тоқаев өткен жылғы «Сындарлы қоғамдық диалог – Қазақстанның тұрақтылығы мен өркендеуінің негізі» атты халыққа  Жолдауында: «Шетелден тікелей инвестиция тарту жұмыстарын барынша жандандыру қажет. Онсыз алдағы уақытта экономикалық өсім резерві шектеулі болады. Бұл – атқарушы билік басымдық беруі тиіс міндеттердің бірі. Қазақстанның 2025 жылға дейінгі стратегиялық даму жоспары аясында әрбір сала мен өңір үшін нақты мақсатты көрсеткіштер белгіленген.

Ел шығысындағы инвестициялық әлеует пен болашаққа бағдарланған жобалар
Фото взято с сайта arnapress.kz

Мемлекеттік органдар, әсіресе, өңір әкімдері сол көрсеткіштерге қол жеткізуге тікелей жауапты болады» - деді.  Әрине, кез келген экономикасы көш ілгері дамыған мемлекет инвестиция  тарту және салу арқылы табыс көзін ұлғайта алады. Елде шетелдік инвесторлардың санын арттыру мақсатында ұлттық компанияда құрылды. 2017 жылыдан бастап осы бағытты жұмыс атқарып келеді. Қайта өңдеу секторын дамыту үшін осы салаға бағыттыалатын қаржы көлемі де ауқымды болмақ. Сарапшылардың жүргізген зерттеу қорытындылары бойынша Қазақстанға ең көп инвестиция құятын Нидерланд мемлекеті. Сонымен қатар шетелдік инвесторлар тізімінде Швейцария, Франция, Италия, Бельгия, Германия, АҚШ, ҚХР және өзгелері бар.

Елдегі өндірісті аймақтардың бірі - Шығыс Қазақстан. Ірі кәсіпорындар шоғырлаған өлкенің экономикалық әлеуеті тұрақты. Өндірістің өнім көлемі жыл өткен сайын артып келеді. Өңірдегі өнеркәсіптік өндірістің 70%-дан астамы өңдеу өнеркәсібіне тиесілі. Облыста барлығы 85 жеңіл өнеркәсіп кәсіпорны бар, оның ішінде 82-сі шағын кәсіпорын. Өңірдің экономикасын дамыту мақсатында инвесторларды тарту бағытындағы жұмыстар одан әрі жалғасуда. Осы орайда облыс экономикасына аудандардың да қосар үлесі басым.

Өткен жылы Жарма ауданы кірісі 8 миллиард теңгеден асты. Өнеркәсіп өндірісі мен тау-кен саласындағы көрсеткіш 3 есеге ұлғайды. Жарма ауданының әлеуметтік-экономикалық өсімі тұрақты. Аудан бюджетінің кірісі  8,8 млрд. теңгені құраған. Негізгі  сала бойынша жалпы өндірілген өнім көлемі 315,8 млрд теңге. Жалпы өнімдер мен көрсетілген қызметтердің 70 пайыздан астамын құрайтын өнеркәсіп саласында жоғары өсу қарқыны байқалады. Өткен жылы 227 млрд. теңгенің өнімі өндіріліп, аталған көрсеткіш 2,8 есеге ұлғайған.

Өнім көлемінің артуына Индустрияландыру картасы шеңберінде қолданысқа берілген «Бақыршық тау-кен өндіру кәсіпорыны» металлургиялық зауытының іске қосылуы оң әсерін тигізген. Жарма ауданы инвестиция тарту жағынан алдыңғы қатарда.  Инвестициялардың басым бөлігі негізінен өнеркәсіп саласы мен жол инфрақұрылымын дамытуға бағытталған. Бұл - республикалық маңызы бар жолдардың учаскелерін қайта жаңғырту жұмыстары, күн электр станциясының құрылысы мен Бақыршық тау-кен өндіру кәсіпорнының жаңғырту жұмыстары.

Loading...

21 января, пятница