Қоғам белсендісі, «HAQ» қайырымдылық қорының жетекшісі Тоғжан Қожалы намаз оқитын адамдарға жағдай жасап, еркіндік беруін сұрады. Бұл туралы Stan.kz ақпарат агенттігі хабарлайды.
Қоғам белсендісі өзінің Facebook және Instagram парақшаларында намазхан адамдарға жағдай жасалмағанын айтып, жазба жариялады. Оның айтуынша, мектепте намаз оқитын бөлмелер берілуі қажет.
«Жұмыс және мектеп уақытында бір ғана намаз бар. Түскі ас уақытындағы құлшылық. Оны келесі намазға дейін оқуға болады. Қазір, мысалы, Алматыда бұл сағат 12.58-ден 17.46-ға дейін. Сондықтан мектептер намазханаға айналып кетпейді.
Айтпақшы, мұғалімдер, мектеп қызметкерлері, әсіресе қазақ мектептері мен ауылдарда намаз оқитын адамдар көп. Сонда оларда діни бостандық жоқ па? Намаз оқу үшін жағдай жасалмауы керек пе?
«Сыныптардың жетіспеуіне» байланысты... Намаз оқу үшін 2 шаршы метр мен арнайы перде жеткілікті. Әлде мен мәселенің неде екенін түсінбеймін бе? Әлде еліміздегі миллиондаған діндар адамдар Қазақстан Республикасының азаматтары емес пе? Сонда олардың жағдай мен еркіндігі ешкімді алаңдатпайды ма?
Зайырлылық пен дінді қатар алып жүрген Түркияның даму моделі біз үшін өте қолайлы. Бірақ түріктердің деңгейіне дейін жету үшін бізге әлі де даму керек. Бізді Иран, Сирия, Ауғанстанды айтып, қорқытпай-ақ қойыңыздар. 12 ғасыр бойы өзгермеген, өзгермейміз де. Мұнымен Қазақстан тарихы мен қазақтардың менталитетін түсінбейтіндерді қорқытыңдар», – деп жазды қоғам белсендісі өзінің желідегі парақшасында.
Ол үш діннің өкілдері де қоғамдық орындарда қиналып қалмайтындай ғибадатханалар берілу қажет деп санайды ол. Тоғжан Қожалы қоғамдық орындарда намазханалардың жоқтығы ығайсыздық тудыратынын жасырып қалмады.
«Мен үшін Германия мен Еуропада жүріп-тұру әлдеқайда жеңіл әрі ыңғайлы. Өйткені барлық жерде үш діннің өкілдері үшін жағдай жасалған. Құлшылық жасау үшін ғибадатханаларды кез келген жерден табуға болады. Ал біз коммунистік ел сияқтымыз, ондай орындар жоқ.
Біздің елде адамгершілік құндылықтарға сенетін және оны ұстанатын адамға қарағанда жемқор шенеуніктерге әлдеқайды жылы шырай танытады. Сізді және ұрпағыңызды тонап жүрген жемқорларға қымбат сыйлық жасап, төрден орын беруді доғарыңыздар. Неге біздікілер намазхандарға сонша жау? Мен әлі күнге дейін намаз оқитын жер таппай қиналып қаламын. Осыдан екі жыл бұрын сауда орталықтарында, дәмханаларда намазханалар болатын. Қазір олардың барлығын алып тастады. Олар кімге кедергі болды? Намазханаларды алып тастағаннан мұсылмандардың саны азаяды деп ойлаймаңыздар. Тек көрінген жерде намаз оқуға мәжбүрміз. Біз бәріміз осы елдің азаматымыз. Намаз оқитын жерлердің де жайлы болғанын қалаймыз. Бұл христиандарға да, иудейлерге де, мұсылмандарға да қатысты мәселе.
Кеше қызым «Мектепте намазды қай жерде оқысам болады?» деп сұрады. Ал мекепте намаз оқитын балалар көп. Қызым бір жерде тығылып, намаз оқымас үшін мектеп директорымен сөйлесуга тура келеді. Демократиялық мемлекет дамуының бірінші постулаты – өз азаматтарыңыздың құқықтарын құрметтеу және осы құқықтар мен бостандықтардың қорғалуына жағдай жасау», – дейді қоғам белсендісі.
