+7 (7172) 30 85 71

Написать нам в WhatsApp: +7 (707) 888 02 16
17.04.2018 в 15:49

«Бастау» - жастардың сенімді серігі

Бұрын оралдық жастардың бас қосып, өзара пікір алмасатын орны жоқ еді. Бүгінде бұл олқылықтың орны толды, деп хабарлайды NewTimes.kz тілшісі.

«Бастау» деп аталатын коворкинг орталық былтыр ашылды. Бұл орталық фриланс режимінде жастардың бизнес, шығармашылық, оқу бағдарламалары аясындағы креативті жобаларын жүзеге асыруға мүмкіндік береді. Орталықтың әкімшісі Нұрбектің Жүнісовтің айтуынша,  дизайнерлердің, жеке кәсіпкерлердің, басқа да веб, IT қызметкерлерінің топтық жұмыс істеуі үшін ыңғайластырылған фриланс жүйесі көпшіліктің көңілінен шығуда. Сондай-ақ мұнда жеке жұмыс алаңы, дәріс, еркін аймақтар бар. Коворкинг орталығына келген әрбір жас интернет желісін, өзге де қажетті заттарды тегін пайдалана алады. Тұрақты түрде шеберлік сағаттары, семинарлар, тұсаукесер шаралары, білім беру сабақтары, түрлі кездесулер өтуде. Жастардың кітап оқуына,  дойбы, шахмат ойнауына,  домбыра тартуына да жағдай жасалған.

М.Өтемісұлы атындағы БҚМУ-дың 2-курс студенті Арман Ғабдықұлы - коворкинг орталығы ашылғаннан бері бос уақытын тиімді өткізіп жүрген жастың бірі. Ол мұнда түрлі салада табысты еңбек етіп жүрген жастармен кездесіп, олардан жетістікке жету жолдарын үйреніп жүр. Оған облыс әкімі Алтай Көлгіновпен, белгілі журналист Берік Уәлимен болған кездесулер ұнаған. Сондай-ақ өз тәжірибелерімен  бөліскен «Фреш» журналының редакторы Аида Боранқұлованың, «07 аймақ» әнінің орындаушысы  Алина Герцтың, фристайлшы Айболат Құбашевтың айтқан сөздерінен әсер алған.

Бұл жерде тегін ағылшын тілін де үйренуге болады. Шет тілінен сабақ беретін оқытушы Айнамгүл Еслямованың сөзіне қарағанда, мұнда ағылшын курсы аптасына бес күн қатарынан жүргізіледі. Оған оқушылар, студенттер қатысуда. Қазіргі таңда курс бастапқы және жалғастырушы деңгейлер бойынша жүріп жатыр. Бастапқы топта 17, жалғастырушы топта 18 жас білім нәрімен сусындауда.

Бүгінгі таңда осындай орталықтар аудандарда да ашылуда.

Ернар ХАЙДАР,

Орал қаласы

Самые интересные новости в нашем Telegram-канале


Редакция

Новости Казахстана

ИА «NewTimes.kz» ЗАПРЕЩАЕТ копировать и перепечатывать материалы агентства с пометкой «Эксклюзив», а также их фрагменты. ЗАПРЕТ распространяется на все зарегистрированные СМИ, а также паблики в Instagram. Полное воспроизведение или частичное цитирование других материалов агентства допускаются только при наличии гиперссылки на ИА «NewTimes.kz» в первом абзаце. Фото- и видеоматериалы могут быть скопированы и размещены только с подписью «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. 
Реклама на сайте

Мы в соцсетях

       

Приложения Newtimes для:
iPhoneAndroid

  Яндекс.Метрика