+7 (7172) 30 85 71

Написать нам в WhatsApp: +7 (707) 888 02 16
30.05.2019 в 15:36

Жас мамандар БҚО-да үлкен сұранысқа ие

Биыл М. Өтемісов атындағы Батыс Қазақстан мемлекеттік университетін 2 мыңға жуық жас диплом алмақ. Олардың көпшілігі қазірдің өзінде еңбек нарығынан өз орын тауып жатыр. Себебі осы ЖОО-ның түлектеріне деген сұраныс жоғары.

Жас мамандар БҚО-да үлкен сұранысқа ие

Бұл туралы таяуда аталмыш оқу орынында өткен «Мансап күнінде» айтылды. Онда сөз алған М. Өтемісов атындағы БҚМУ-дың проректоры Әсет Тасмағамбетов Жастар жылына орай ұйымдастырылған осынау шара жыл сайын дәстүрлі түрде өткізіліп келе жатқандығын айтып, жаңа өмір белесіне қадам басқалы тұрған түлектерге сәттілік тіледі.

Биыл университет қабырғасында білім алған 1100-ден астам студент күндізгі оқу бөлімін, 800-дей жас сырттай бөлімді тәмамдауда. Еңбек ресурстары бойынша республикалық агенттігінің рейтингісі бойынша өткен жылы түлектерді нақты жұмысқа орналастыру көрсеткішіне байланысты БҚМУ 101 жоғары оқу орнының арасынан 12-орынды иеленген. Ал Қазақстанның жетекші ЖОО-ларының бас рейтингісінде үздік ондық қатарынан табылып, 8-орынға тұрақтады.

«Түлектерді жұмыспен қамтуда тек бос жұмыс орындары жәрмеңкесімен шектеліп қалмаймыз. Оқу жылы кезінде түрлі кездесулер, дөңгелек үстелдер, оқыту семинарлары өткізіліп, жастарға еңбек нарығын талдау, алған лайықты біліміне сай қызмет табу жолдары жан-жақты түсіндіріледі. Университет бітіруші жастарды жұмыспен қамту көрсеткішіне келер болсақ, өнер саласы бойынша білім алған жастардың қызметке орналасуы 100%-ды құраса, педагогикалық мамандықтар бойынша 90%-дан асады. Басқа да мамандықтар бойынша білім алған жастар еңбек нарығында үлкен сұранысқа ие. Түлектеріміздің жұмысқа орналастыру көрсеткіші жылдан-жылға артып келеді, былтыр ол 86,4%-ды құрады», — дейді М. Өтемісов атындағы БҚМУ-дың академиялық қызмет департаментінің директоры Гүлжаһан Қайсағалиева.

«Мансап күні» шарасына қатысқан 70-ке жуық мекеме-кәсіпорын өкілдері 700-ден астам студентпен әңгімелесіп, олардың түйіндемелерін алып кетті.

Ернар ХАЙДАР,

Батыс Қазақстан облысы


Редакция

Новости Казахстана

Полное воспроизведение или частичное цитирование материалов агентства допускаются только при наличии гиперссылки на ИА «NewTimes.kz» в первом абзаце. Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 308571
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика