+7 (7172) 79 78 20

Написать нам в WhatsApp: +7 (700) 402 32 92
07.10.2019 в 14:46

Қызылордада қайырымдылық мекемесі ашылды

Қазақстан мұсылмандары діни басқармасының кезекті қайырымдылық мекемесі Қызылорда қаласында қолданысқа берілді.

Қызылордада қайырымдылық мекемесі ашылды

Мекеменің ашылу рәсіміне ҚМДБ «Қайырымдылық және уахып істері» бөлімінің меңгерушісі К.Тұрдыбаев, облыстық ішкі саясат басқармасының басшысы Т.Маханов, ҚМДБ-ның Сыр өңіріндегі Өкіл имамы Б.Абуов, қалалық ардагерлер кеңесінің төрағасы С.Әбішев, қала және аудан мешіттерінің имамдары мен жамағаттары, БАҚ өкілдері қатысты.

Салтанатты шараға арнайы келген ҚМДБ бөлім меңгерушісі Камалжан Бекбосынұлы ҚМДБ төрағасы, Бас мүфти Серікбай қажы Ораз хазреттің сәлемдемесін жеткізіп, Сыр жамағатын қуаныштарымен құттықтады.

Мекеменің салтанатты түрде лентасы қиылған соң, қонақтар ғимарат ішін аралап, тыныс-тіршілігімен танысты. 2 қабаттан тұратын мекеме 45 адамға шақталған және де жатын орны мен тамағы тегін. ҚМДБ-ның Қызылорда облысы бойынша өкілдігі, «Ақмешіт-Сырдария» орталық мешіті жанынан ашылған мекемеге «Ақмешіт-Сырдария» қайырымдылық жеке мекемесі» атауы беріліп, директоры қызметіне қалалық «Нұр» мешітінің Бас имамы М.Үркімбаев тағайындалды.

Бас мүфтидің тапсырмасына сәйкес, ҚМДБ жанынан қайырымдылық мекемелерінің ашылу мақсаты – ең бірінші тұрмысы төмен және әлеуметтік жағдайы аз қамтылған көпбалалы отбасыдан шыққан жеткіншіктерге көмектесу, жас ұрпақты отансүйгіштікке, мейірімділікке, имандылыққа тәрбиелеу, теріс пиғылды адамдардың арбауына түсудің алдын алу болып табылады.

Мекеме өз қызметінде ҚР Конститутуциясын, Азматтық Кодексін, «Коммерциялық емес ұйымдар туралы», «Қазақстан Республикасындағы мемлекеттік жастар саясаты туралы», «Баланың құқығы туралы», «Білім туралы», «Діни қызмет және бірлестіктер туралы» Заңдарын, сонымен қатар аталған мекеме туралы Діни басқарманың шешімімен қабылданған Жарғыны басшылыққа алады.


Редакция

Новости Казахстана

Полное воспроизведение или частичное цитирование материалов агентства допускаются только при наличии гиперссылки на ИА «NewTimes.kz» в первом абзаце. Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 797820
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика