Ақтауда әйелді перзентханадан күйеуі мен енесі, 4 ұлы мен 2 келіні шығарып алды. Қуанышты жаңалықты жаңа босанған әйелдің келіні Айжамал Кенбаева өз Instagram парақшасында бөлісті, деп хабарлайды halyq-uni.kz.
Ал әйелдің екінші келіні Ырысгүл Базарханның айтуынша, ата-енесі қызды 23 жыл аңсап күткен. Олар нәрестеге Айсәуле есімін берген.
«Аллаға шүкір дегеннен артық не жазамын? Қандай әдемі көрініс. Жұбайы, 4 ұлы, енесі мен 2 келіні бұлай шығарып алу үлкен бақыт қой. Атам 101 раушаны мен ұлдары бір-бір құшақ гүлден сыйлағаны қандай... Көз тимесін, бәріңіздің үйіңізде осындай той болсын», - деп жазды Айжамал өз парақшасында.
Көпшілік ақтаулық келіншектің қуанышына ортақтасып, ақ тілегін жаудырды.
«Енесі бақытты шығар», «4 ұлдан кейін қыз тәтті ғой», «Бақыт деген осы ғой», «Керемет, көз тоймайды», «Тіл-көзден сақтасын», - деп жазды жұрт.
