среда, 5 октября, 2022
icon
472.68
icon
466.91
icon
8.01
Алматы:
icon
14oC
Астана:
icon
12oC
Подпишитесь на нас:
Официальный интернет-ресурс Центральной избирательной комиссии Республики Казахстан
Регионы Редактор
30 ноября, 2016, 18:33

Түзеу мекемелеріндегі жұмыс қорытындысы жарияланды

Қазақстан мұсылмандары діни басқармасының басты бағыттарының бірі – түзеу мекемелеріндегі діни экстремизм бойынша сотталған азаматтармен жұмыс. Бұл бағыттағы жұмыс жүйелі жоспар мен нақты міндеттерді жүктейді. Бүгін Астанада ҚМДБ төрағасы, бас мүфти Ержан қажы Малғажыұлының қатысуымен түзету мекемелеріндегі жұмыстың жылдық қорытындысына арналған жиын өтті.

Наиб мүфти Наурызбай қажы Тағанұлы модераторлық еткен жиынға ҚР Дін істері және азаматтық қоғам министрлігі Дін істері комитеті төрағасы Ғалым Шойкин, ҚР ІІМ Қылмыстық атқару жүйесі өкілі Мерей Иманханов, «Ақниет» ақпараттық насихат және оңалту орталығы директоры Әлім Шауметов қатысып, тақырыпты тарқатып берді.

«Ислам діні, баршаға белгілі, бейбітшілік пен бірлікке шақырады. Дегенмен, дін төңірегінде туған күрделі де күрмеулі мәселелер бізді алаңдатады. Экстремизм мен терроризм құбылыстары әлемдік сипат алды. Еліміз де бұл жағдайлардан тыс емес. Қоғамның тұрақтылығы мен тыныштығын бұзуға алып келетін радикалды топтарға қарсы күресте мемлекеттік органдармен бірлесе жұмыс жүргізу аса маңызды. Бұл ретте жуырда құрылған министрліктің Дін істері комитетімен тығыз байланыс орнаттық. Сондай-ақ түзету мекемелерінде терроризм мен діни экстремизм баптары бойынша сотталған азаматтарды дәстүрлі діни танымға қайтару мақсатында жұмыстарымызды жүйелеп, бағытымызды айқындадық», - деген Бас мүфти республикадағы түзеу колонияларында атқарылған жұмыстарға тоқталды.

Еске сала кетсек, 2015 жылы ҚМДБ жанынан діни экстремизм мен терроризм баптары бойынша жазасын өтеуші азаматтармен жұмыс істейтін арнайы бөлім ашылған болатын. Бөлім бас мүфти кеңесшісі Қуат Раевтың жетекшілігінде істі болған азаматтармен топтық және жекелеген жұмыстар жасайды.

Бас мүфтидің айтуынша, қазіргі уақытта республиканың 67 түзеу колониясында ҚМДБ-ның 96 қызметкері түсіндіру, оңалту жұмыстарын тұрақты жүргізіп келеді. Ай сайын өңірлердегі Діни басқарма өкілдіктерінен түзеу мекемесіндегі жұмыс есебі алынады. Тиісінше аймақтағы жауапты қызметкерге Діни басқарма тарапынан нұсқамалар мен бағыт-бағдарлар беріледі. Есеп қорытындысы мен жалпы анықтама құзырлы мемлекеттік мекемелерге жолданады. Биыл осындай жүйелі жұмыстар нәтижесінде 186 азамат көзқарасын түзетіп, дәстүрлі дінге қайтқан. 96 азамат радикалды райынан айнып, қалыпқа түскен.

Дін істері комитеті төрағасы Ғалым Шойкин радикалды ағымдарға қарсы күресте ҚМДБ-ның білікті теолог, имамдарының еңбегі үлкен екенін атап өтті. «Қазақстан қоғамында діни тұрақтылық пен тыныштықты сақтауда сіздердің жұмыстарының маңызды деп білемін. Түзеу мекемелерінде сотты болған азаматтарды дұрыс діни бағытқа қайтару үшін біздің арнайы сарапшы мамандарымыз да ықпал жасайды. Діни ағымдарға қарсы күрестің нәтижелі болуы үшін мемлекет жан-жақты қолдау көрсетеді» деді Ғалым Нұрмағамбетұлы.

Түзеу мекемелерінде «Ақниет» оңалту орталығы мамандары радикалды көзқарастағы азаматтармен жүйелі жұмыс істеуде. Орталық директоры Әлім Шауметов таным-түсініктері жат дүниемен өзгерген жандармен жұмыс күрделі екенін, дұрыс жолға түсірудің түрлі тәсілдерін қолдану қажеттігін жеткізді. Жиын барысында Дін істері комитеті мен Діни басқарманың осы салаға жауапты қызметкерлері өз ой-пікірлерін ортаға салып, баяндама жасады.

Ал, Дін істері комитеті Дінтану сараптамасы басқармасының басшысы Балғабек Мырзаев түзеу мекемелеріндегі жұмыстың әртүрлі орган тарапынан жүргізілуі себепті, бірізділіктен ауытқитынын тілге тиек етті. Осыған байланысты басқарма басшысы ведомствоаларық ортақ жоспар құру арқылы нақты нәтижелерге қол жеткізу мүмкіндігі артатынын атап өтті.

Осы ретте айта кету керек, түзеу мекемелеріндегі түсіндіру жұмыстары Оңтүстік Қазақстан облысында да биыл қарқынды жүрді. Жыл басынан бері ОҚО Дін істері басқармасына қарасты «Дін мәселелерін зерттеу орталығы» мен ҚМДБ-нің облыстағы өкілдігі 6 түрмеде болып, жазасын өтеушілермен кездесті. Кездесулерге қатысқандардың біразы салафизм идеологиясын жақтаушылар екенін де айта кету керек.

Сонымен қатар, шартты жазаға кесілгендермен де жеке кездесулер ұйымдастырылып, оларға деструктивті діни ағымдардың қаупі түсіндірілді.

Что думаете об этом?
Написать комментарий
Последние новости
22:09
ОПЕК+ сообщил о сокращении квот по добыче нефти ОПЕК+ сообщил о сокращении квот по добыче нефти
21:20
Начальник полиции погиб в ДТП в ЗКО Начальник полиции погиб в ДТП в ЗКО
20:56
Мужчина в Зимбабве, спасаясь от слона, стал жертвой крокодила Мужчина в Зимбабве, спасаясь от слона, стал жертвой крокодила
19:42
Женщину и ее дочь нашли убитыми возле поселка в Карагандинской области Женщину и ее дочь нашли убитыми возле поселка в Карагандинской области
19:17
За 5 лет 136 уголовных дел - Антикор о коррупции в КТЖ За 5 лет 136 уголовных дел - Антикор о коррупции в КТЖ
18:43
В Китае появился двигатель для ракеты, которая доставит человека на Луну В Китае появился двигатель для ракеты, которая доставит человека на Луну
18:03
Доллар стал еще дешевле на KASE – почти на 3 тенге Доллар стал еще дешевле на KASE – почти на 3 тенге
17:51
56-летний мужчина выстрелил в кызылординку и скрылся 56-летний мужчина выстрелил в кызылординку и скрылся
17:38
Впервые главой Qazaq Air назначен отечественный специалист Впервые главой Qazaq Air назначен отечественный специалист
17:25
Солнечную погоду в Казахстане сменят дожди Солнечную погоду в Казахстане сменят дожди
17:12
Астанчанин придумал свою методику и обучает всех желающих казахскому языку Астанчанин придумал свою методику и обучает всех желающих казахскому языку
17:00
Токаев рассказал, как планирует баллотироваться на предстоящих выборах Токаев рассказал, как планирует баллотироваться на предстоящих выборах
16:49
Из Павлодара нет прямых рейсов даже в Астану Из Павлодара нет прямых рейсов даже в Астану
16:34
Очередную памятную со времен СССР дату с размахом отметили в Байконуре Очередную памятную со времен СССР дату с размахом отметили в Байконуре
16:21
«Какой мужчина не конфликтует?»: Торегали Тореали помирился с гидом, которого избил «Какой мужчина не конфликтует?»: Торегали Тореали помирился с гидом, которого избил
Смотреть все
Эксклюзив
Интервью и мнения