четверг, 9 февраля, 2023
icon
455.65
icon
489.96
icon
6.36
Алматы:
icon
5oC
Астана:
icon
-20oC
Подпишитесь на нас:
KazTimes Мадина Ергешова
23 июня, 2021, 17:24

Шығыс Қазақстанның шалғай ауылдарында жылжымалы вакциналау бекеттері жұмыс істеуде

Екпе алушылар қатары еселеніп келеді. Шығыс Қазақстан облысы, Глубокое ауданында вакцина алу қарқынды жүргізілуде. Аудандық емхана екпе салдыруға ниет білдірген тұрғындарға лық толы. Дәрігерлердің айтуынша, олардың барлығына жеткілікті екпе қоры бар.

Шығыс Қазақстанның шалғай ауылдарында жылжымалы вакциналау бекеттері жұмыс істеуде

Ауданда вакциналау қарқыны жоғары. Жергілікті емханаға тіркелген адамдар ғана емес, кез келген ниет білдірген қала тұрғындары, тіпті, өзге ел азаматтары да екпе алуда. Тұрғындардың айтуынша, олар вакцинаны өздерінің ғана емес, жақын-жуықтарының қауіпсіздігі үшін салдыруда. Сондай-ақ, мұнда анықтамалық қызмет те жұмыс істеп тұр.

«Мен көпшілікпен жұмыс істегендіктен екпе алу басты міндетім деп санаймын. Індетті өзіме немесе тұтынушыларымызға жұқтырғаннан Құдай сақтасын. Үйде бір емес 3 зейнеткер бар. Бірінші кезекте соларды қорғау үшін вакциналауға келдім. Екпе туралы орталық емханадағы анықтамалық қызметтен білдім. Ол жерге хабарлассаңыздар барлығын түсіндіріп береді», - дейді Глубокое ауданының тұрғыны Маргарита Пономарева.

Ауданда күн сайын 400-500-ге жуық адам екпе алуда. Қант диабеті, гипертония, семіздік және жүрек-қан тамырлары ауруы бар адамдарға ерекше көңіл бөлінуде. Аудандық емханасының меңгерушісі Рысбай Сансызбайұлының айтуынша «халық, әсіресе, жергілікті учаскелік дәрігерлерді шақырып жатыр, бүгінгі таңда мұғалімдердің кезегі. Вакцинаның еш қауіпі жоқ».

Глубокое ауданындағы шалғай ауылдарда жылжымалы вакциналау бекеттері жұмыс істейді. Бұл барлық ниет білдірген адамдарға жағдай жасалғандығын көрсетеді. Бірінші ақпаннан бастап Глубокое ауданында 4530 адам бірінші кезеңі бойынша екпе алды. Екінші кезеңде 2240 адам қамтылды. Дәрігерлер тұрғындарды әлеуметтік желілерде тарап жатқан қаңқу сөздерге мән бермеуге шақырады. Глубокое ауданында қазіргі уақытта 12 вакциналау бекеті жұмыс істеп тұр. Барлығы да тиісті талаптарға сәйкес жабдықталған.

Что думаете об этом?
Подпишитесь на нас:


Эксклюзив
Интервью и мнения