«Бір қабатты Шығыс»: Жарма ауданында жеке инвесторлардың есебінен тұрғын үйлер салынуда

Бағдарламаның аты айтып тұрғандай, бой көтеріп жатқан баспаналардың барлығы бір қабатты. «Осы бағдарлама арқылы аудандағы әлеуметтік тұрғыдан аз қамтылған отбасылардың тұрғын үй мәселесін шешуді жоспарлап отырмыз» дейді жергілікті әкімдік өкілдері.

«Бір қабатты Шығыс»: Жарма ауданында жеке инвесторлардың есебінен тұрғын үйлер салынуда

Бағдарламасы шеңберінде 2020 жылы ауданда 24 екі пәтерлі тұрғын үй салынса, оның 19-ы Қалбатау ауылында, бесеуі Шар қаласында бой көтерген. Ал биыл екі пәтерлі 15 тұрғын үй салу жоспарланған.

«Оның тоғызы Қалбатауда, алтауы Шар қаласында. Салынып жатқан үйлер аз қамтылған, көпбалалы отбасыларға табысталуда. Құрылыстың сапасына келсек, тұрғындар тарапынан ешқандай мәселелер жоқ», - дейді Жарма аудандық сәулет, қала құрылысы және құрылыс бөлімінің басшысы Бейбіт Мұхаметқали.

Қазіргі уақытта Жарма ауданының орталығы Қалбатау ауылындағы Әуезов көшесінде 5 бір қабатты үйдің құрылысы қызу жүргізілуде. Аудандық құрылыс бөлімі басшысының айтуынша, мұндағы құрылыс жұмыстары биыл шілде айында аяқталады. Құрылыстың мердігері – «Жарма құрылыс газ» жауапкершілігі шектеулі серіктестігі. 2020 жылы осы баспаналарды жеке инвесторлардан сатып алуға облыстық бюджеттен 540 миллион теңге бөлініпті. Аудандық құрылыс бөлімі берген мәліметтерге сүйенсек, биыл салынатын 15 тұрғын үйдің жалпы құны – 357 миллион теңге. Бұл тұрғын үйлердің ерекшелігі, бір үйдің екі отбасыға арналғандығында. Қазір Әуезов көшесіндегі жаңа үйлердің құрылысы қарқын алған. Құрылысшылар нысанды белгіленген мерзімде тапсыруға тырысамыз деп отыр.

«5 үй салып жатырмыз. Жұмыс қызу жүріп жатыр. 4 бригада жұмыс істейді. Онда 20 шақты адам бар. Материалдар жеткілікті. Шілде айында бітіреміз деген ойдамыз» дейді құрылысшы Нұржан Бөгембаев.

«Бір қабатты Шығыс» бағдарламасы Жарма ауданында алдағы жылдары да жалғасын табады. Биыл екі пәтерлі 15 тұрғын үй салынса, 2022 және 2023 жылдары дәл осындай 13 баспана бой көтермек.

Loading...
Жанар Муканова -  пятница, 28 января в 04:22
Дело Елжана Биртанова вернули прокурорам
Жанар Муканова -  среда, 26 января в 10:42
Газ не для нас
Жанар Муканова -  вторник, 25 января в 02:00
Быть или не быть банкротом – вот в чем вопрос

28 января, пятница