пятница, 3 февраля, 2023
icon
459.92
icon
505.77
icon
6.57
Алматы:
icon
6oC
Астана:
icon
-15oC
Подпишитесь на нас:
KazTimes Редактор
26 августа, 2016, 19:12

Маңғыстау облысында лаңкестікке қарсы кеңес отырысы өтті

Қазақстанда террорлық қауіптің «сары» деңгейі 2017 жылдың 15 қаңтарына дейін созылды. Осыған орай, бүгін облыс әкімі Алик Айдарбаевтың төрағалығымен және құқық қорғау органдарының қатысуымен антитеррористтік кеңес отырысы өтті, деп хабарлайды NewTimes.kz.

Отырыс  облыстың барлық аудандары мен қалалары қосылған онлайн режимде болды. Кеңес барысында бірқатар мәселелер талқыланды.

Біріншіден, сыбайлас жемқорлыққа қарсы ұлттық бюроның террорлық қауіптің күшеюіне байланысты қандай шаралар қолданатыны туралы сөз болды. Сондай-ақ, Ресей Федерациясы Мемлекеттік Думасының депутаттарының алдағы сайлауы үшін облыста құрылатын сайлау учаскесінің қауіпсіздік шараларын ұйымдастыру да қаралды.

Өз кезегінде жауапты органдардың басқарушылары баяндама жасады.

Еске сала кетсек, елімізде соңғы кезде болған террорлық әрекеттерден кейін жарияланған террористік қауіптің сары деңгейі ұзартылған еді.

Террорлық қауіптің «сары» деңгейі қазір бүкіл Қазақстан аумағына тарап отыр. «Сары» деңгей террорлық қауіптің беті қайтты, бірақ біржола сейілген жоқты білдіреді. «Сары» деңгей кезінде құқық қорғау органдары күшейтілген тәртіпте жұмысын жалғастырады. Құжат тексереді, көлікті тоқтатып тексеру құқы беріледі.

Ал, қарапайым азаматтар қараусыз қалған заттардан абай болып, қоғамдық орындарда күдікті-ау деген адамдарға назар аударған абзал.

Белгісіз заттарды, танымайтын адамдардың сәлемдемесін алмаңыз және сақтамаңыз. Бейсауыт заттарды қозғамаңыз, және айналаңызға қауіптің әлі толық сейілмегенін түсіндіріңіз. Тәртіп сақшылары тоқтата қалса, түсіне қарап сұраған құжатын көрсетіңіз. Күнделікті ахуалды жаңалықтардан қарап, біліп, аңғарып отырыңыз.

Что думаете об этом?
Подпишитесь на нас:


Эксклюзив
Интервью и мнения