+7 (7172) 79 78 20

Написать нам в WhatsApp: +7 (700) 402 32 92
20.10.2017 в 18:50

Шымкентте Қазақстан халқы Ассамблеясы кеңесінің кезекті отырысы өтті

«Қазақстан халқы Ассамблеясы» ғимаратында өткен жиынға облысымыздағы бірқатар басқармалардың өкілдері, облыстық этномәдени бірлестіктер мен діни конфессиялардың жетекшілері, облыстық ассамблея жанындағы құрылымдардың жетекшілері және БАҚ өкілдері қатысты, деп хабарлайды NewTimes.kz.

Кеңес отырысында Елбасы Нұрсұлтан Назарбаевтың еліміздің саяси, экономикалық және рухани жаңғыруы бойынша алға қойған міндеттерін іске асыруда ассамблея алдында тұрған жұмыстар сараланды.

«Облыстық ассамблея мүшелері мен барлық құрылымдары саяси, экономикалық және рухани жаңғыру міндетін іске асыруға белсене атсалысуға тиіс. Елдің бірлігі мен қоғамдық келісімді сақтау бағытындағы жұмысымызды одан әрі ширата түсуіміз керек. Өйткені, алдыға қойған мақсаттар тыныштық, саяси тұрақтылық болған жерде ғана жүзеге асатыны сөзсіз. Оны әрбір этнос өкілі ұғынуы қажет», — деп атап өтті жиынды ашқан облыстық Қазақстан халқы Ассамблеясы төрағасының орынбасары Мұратәлі Қалмұратов

Отырыс барысында мемлекеттік тілді латын графикасына көшірудің маңызы жөнінде ОҚО Қазақстан халқы ассамблеясы жанындағы ғылыми-сарапшылық топтың жетекшісі, профессор Асма Қалыбекованың, Қазақстан өзбектерінің «Дустлик» қоғамдық бірлестіктері қауымдастығының төрағасы Икрам Хашимжановтың баяндамалары тыңдалды.

Сонымен қатар, Рухани келісім күніне орай қазақстандық бірегейлік пен бірлікті нығайтудың маңызы жөнінде Қазақстан мұсылмандар діни басқармасы өкіл имамының орынбасары Мұхамеджан Естеміров, Свято-Никльский кафедралдық соборының діни қызметшісі Александыр Могилевски және облыстық «Дін мәселелерін зерттеу орталығы» КММ директорының орынбасары Мәди Бесбаев өз ойларын ортаға салды.

Жиында облыстық Қазақстан халқы Ассамблеясы Кеңесіне жаңа мүшелер қабылданып, қазақстандық бірлік пен бірегейлікті нығайту мақсатында жыл соңына дейін өтетін ауқымды іс-шараларға дайындық жұмыстары пысықталды.


Редакция

Новости Казахстана

Полное воспроизведение или частичное цитирование материалов агентства допускаются только при наличии в первом абзаце гиперссылки на непосредственный адрес материала на сайте ИА «NewTimes.kz». Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 797820
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика