+7 (7172) 30 85 71

Написать нам в WhatsApp: +7 (707) 888 02 16
05.05.2018 в 17:04

Шымкенттің бөлшек сауда көлемі 329,1 млрд теңгені құрайды – қала әкімдігі

Шымкент қаласының бөлшек сауда көлемі 329,1 млрд. теңгені құрайды. Оның 69 пайызы шағын, орта және ірі сауда кәсіпорындарында, ал 31 пайызы базарларда жасалған сауда көлемі. Бұл туралы бүгін ОҚО әкімі Жансейіт Түймебаевтың төрағалығымен өткен жиында Шымкент әкімінің орынбасары Гүлжан Құрманбекова мәлімдеді.

Айта кетейік, бүгін облыс әкімдігінде өңірде орналасқан сауда орындар мен базарларды заң талабына сай реттеу бойынша жиын өтті.

Жиынды ашқан өңір басшысы жалпы облыс бойынша 120 базар мен сауда орындары бар екенін айтып, оның басым көпшілігі тиісті нормативтік стандартқа сай келмейтінін атап өтті.

«Бүгінгі мәжіліс Қазақстан Республикасы Үкіметінің «Сауда қызметін реттеу туралы» Қазақстан Республикасы Заңының базарларды тұрақты сауда объектілеріне көшіру нормаларын қолданысқа енгізу жөніндегі түбегейлі шараларды қабылдау» туралы арнайы тапсырмасының орындалуы бойынша өткізіліп отыр. Аталған тапсырманы орындау үшін, облыс орталығындағы және аудан, қалаларда орналасқан сауда орындары мен жалпы базарлардағы санитарлық талаптарды, коммуналдық шаруашылық, сәулет-құрылыс, заңсыз құрылыс, жерді өз бетінше басып алу, жерді нысаналы мақсатында пайдаланбау, қауіпсіздік ережелерінің сақталмауы және басқа да өзекті мәселелер талаптарға сай өз шешімін табуы тиіс», - деді Ж.Түймебаев.  

Күн тәртібіндегі мәселе бойынша сөз алған Шымкент қаласы әкімінің орынбасары Гүлжан Құрманбекова қаладағы 29 базардың 15-і Бас жоспарға сәйкес келмейтінін, ал 14 базар құрылымдауды қажет ететінін мәлім етті. Сонымен қатар, ол Шымкент қаласының бөлшек сауда көлемі 329,1 млрд. теңгені құрайтынын, оның 69 пайызы шағын, орта және ірі сауда кәсіпорындарында, ал 31 пайызы базарларда жасалған сауда көлемі екенін айтты.

Айта кетейік, бүгінде Шымкентте ірілі-ұсақты ондаған базар мен сауда орындары жұмыс істеп тұр. Өзін жұмыспен қамтыған шымкенттіктердің көбі осы сауда орталықтарында кәсіп етеді.

Бұдан бөлек, ОҚО ТЖД бастығы азаматтық қорғау полковнигі  Нұрболат Дербісов  облыс және Шымкент қаласы аумағындағы сауда нысандарының өрт қауіпсіздігі жағдайы туралы баяндама жасады.

Оның айтуынша, Бас прокуратура мен Ішкі Істер министрінің тапсырмасына сәйкес Департамент қызметкерлерімен облыс аумағындағы жоғары тәуекел дәрежесіне жатқызылған 106 ірі ойын-сауық сауда орталықтарының 101-не өрт техникалық тексерулер жүргізілген.

Сонымен қатар, ол тексеру кезінде Мемлкеттік өрт бақылау инспекторларымен объектінің эвакуациялық шығу, өрт сөндіру автокөліктерінің ғимаратқа  және су көздеріне жету жолдарына,  автоматты дабыл қаққыш және сөндіру қондырғыларына, алғашқы өрт сөндіру жабдықтарына, базарларда өртке қарсы арақашықтықтарының сақталуына, объект қызметкерлерінің төтенше жағдай және оқиға кезінде іс әрекеттерінің біліктілігне аса назар аударылғанын атап өтті.

Жиынды қорытындылаған облыс басшысы барлық құзырлы органдар мен жауапты сала басшыларына базар жұмыстарын реттеу бағытындағы барлық заңдармен қаралған құқықтарын өз дәрежесінде қолдана отырып, белсенді түрде жұмыс жасауды, ондағы санитарлық талаптың сақталуын қадағалауды және базар маңындағы автотұрақ мәселесін реттеуді тапсырды.

Самые интересные новости в нашем Telegram-канале


Редакция

Новости Казахстана

ИА «NewTimes.kz» ЗАПРЕЩАЕТ копировать и перепечатывать материалы агентства с пометкой «Эксклюзив», а также их фрагменты. ЗАПРЕТ распространяется на все зарегистрированные СМИ, а также паблики в Instagram. Полное воспроизведение или частичное цитирование других материалов агентства допускаются только при наличии гиперссылки на ИА «NewTimes.kz» в первом абзаце. Фото- и видеоматериалы могут быть скопированы и размещены только с подписью «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. 
Реклама на сайте

Мы в соцсетях

       

Приложения Newtimes для:
iPhoneAndroid

  Яндекс.Метрика