+7 (7172) 79 78 20

Написать нам в WhatsApp: +7 (700) 402 32 92
18.07.2018 в 17:06

Қызылорда облысында цифрландыру бойынша 37 жоба жүзеге асырылады

2018 жылы Сыр өңірінде цифрландыру бойынша 37 жоба іске асырылады, олар білім беру, денсаулық сақтау, көлік қатынасы мен тұрғын үй-коммуналдық шаруашылығы, кәсіпкерлік және тағы да басқа салаларды қамтиды.

«Біз пилоттық жоба ретінде  бірінші кезекте жүзеге асырылатын жұмыстарды анықтап алдық. Ағымдағы жылдың аяғына дейін облыста 37 жобаны іске асыруды жоспарлап отырмыз», — деп облыс әкімі облыстық мәслихаттың кезекті сессиясында мәлімдеді.

Білім беру саласында осы жылдың қыркүйегіне дейін облыстағы барлық мектепке дейінгі ұйымдарды «Электронды балабақша» жүйесіне ауыстыру жоспарлануда. Бүгінгі күні бұл жүйемен 37,2% мектепке дейінгі қалалық ұйымдар ғана қамтылып отыр, дегенмен қазіргі таңда аталмыш жүйені аудандарда да енгізу бойынша жұмыстар жүргізілуде. Ата-аналардың сәбиін дүниеге келісімен, бірден үйден шықпай-ақ балабақшаға кезекке қою, кезектің жылжуын қадағалау, сонымен қатар, балабақша қызметтерін электронды жүйе арқылы төлеу мүмкіндігі пайда болады.

Ал жалпы білім беру мекемелерінде «Күнделік» электронды журналына көшу жүзеге асырылады. Ақпараттық жүйемен қамту қазіргі уақытта 82,3%-ды құрайды. Ағымдағы жылдың қыркүйек айына дейін барлық мектептердің ақпараттық жүйеге  қосылуы қамтамасыз етіледі.

Денсаулық сақтау саласындағы облыстың барлық медициналық ұйымдары Кешенді медициналық ақпараттық жүйесіне қосылған. Пациенттерді қабылдау «Дамумед» мобильдік қосымшасы арқылы жүзеге асырылады.

Осы жылғы 1 шілдеден бастап медициналық ұйымдарды «қағазсыз құжатайналымға» көшіру бойынша жұмыстар басталды. Осылайша, жылдың аяғына дейін 62 құжат электронды форматқа ауыстырылады.

Тұрғын үй-коммуналдық шаруашылық саласында «Ақылды тұрғын үй-коммуналдық шаруашылығы» жобасын іске асыру үшін мәліметтерді жіберу, есепке алу құрылғысымен жабдықтау бойынша Қызылорда қаласы Есім хан көшесіндегі (Ипподром) 6 көпқабатты үй анықталды. Олар үйді есепке алу құрылғылары арқылы таңдалған үйлердің көрсеткіштерін өндірістік интернет арқылы жұмыс істейтін «Е-шаңырақ» бірыңғай интеллектуалдық жүйесіне жолдап отыратын болады.

Сонымен қатар, кәсіпкерлік саласындағы мобильдік қосымшалар мен «Open kasipker» сайты, ауыл шаруашылығы өнімдері туралы толық ақпарат алуға болатын «Агробиржа» жобасы және электронды билет беру жүйесі мен аялдамаларға ақпараттық таблоларды орнату бойынша пилоттық жоба басталды.


Редакция

Новости Казахстана

Полное воспроизведение или частичное цитирование материалов агентства допускаются только при наличии в первом абзаце гиперссылки на непосредственный адрес материала на сайте ИА «NewTimes.kz». Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 797820
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика