+7 (7172) 79 78 20

Написать нам в WhatsApp: +7 (700) 402 32 92
13.08.2018 в 11:35

Қызылорда облысында «Дені сау аймақ» жобасы іске асуда

Биылдан бастап денсаулық сақтау ұйымының европалық стандарттарына сәйкес келетін «Дені сау аймақ» жобасы қолға алынды. Мұндай жоба республика бойынша тек сыр өңірінде ғана жүзеге асуда. Бұл туралы Өңірлік коммуникациялар қызметінде өткен баспасөз конференциясында Қызылорда облыстық денсаулық сақтау басқармасының басшысы Ақмарал Әлназарова мәлімедеді.

Қызылорда облысында «Дені сау аймақ» жобасы іске асуда Фото zhalagash-zharshysy.kz сайтынан алынды

«Облыс әкімінің қолдауымен «2018-2021 жылдарға арналған «салауатты өмір салтын қалыптастыру және қан айналымы жүйесі ауруларының алдын алу жөніндегі іс-шаралар» жоспары бекітілгені белгілі. Онда 5 нақты міндет қойылған. Яғни, азаматтардың туылғаннан бастап, қартайған шағына дейінгі денсаулығын қадағалау басты мақсат. Нақтырақ айтсақ, әрбір тұрғынның зиянды әдеттерден бас тартуы, тамақтануы, дене белсенділігінің артуы, қан қысымы ауруларының өлшемдік шегінің қойылуы, толық медициналық тексеруден өткізілуі, салауатты мектеп жобасының қатаң бақылануын қолға алуы. Міне, осы жоба арқылы тікелей азаматтармен өзімен жұмыс жасауға мүмкіндігіміз туады», — деді облыстық денсаулық сақтау басқармасының басшысы А.Әлназарова.

Нәтижесінде, қан айналым жүйесінен өлім-жітім көрсеткіші 20,5% төмендеді. Республика бойынша Қызылорда өңірі – 15 орында.

Жалпы, облыс халқына 2488 дәрігер, 9301 орта буын мамандар медициналық қызмет көрсетеді. 2018 жылдың 6 айдағы қорытындысы бойынша облыс деңгейіндегі дәрігер тапшылығы өткен жылмен салыстырғанда 205-тен 22,4% азайған.

Сонымен қатар, былтыр аймаққа 143 дәрігер тартылып, олардың 57,3% (82 дәрігер) бүгінде елді мекенде жұмыс жасауда. Сондай-ақ, облыс әкімінің грантымен 22 резидент республикамыздың 4 жоғары медициналық білім беру орындарында оқуларын жалғастыруда.

Айта кету керек, баспасөз конференциясында дәрігерлер мен орта буын медицина қызметкерлерінің біліктілігін көтеруге бөлінген қаржы көлемі былтырғы жылмен салыстырғанда 1,4 есеге артқаны айтылды. Бұл қаржы Корея мемлекетінде 7 маманды оқытуға, Татарстан Республикасының Қазан қаласында 24 дәрігердің біліктілігін арттыруға бағытталған.


Редакция

Новости Казахстана

Полное воспроизведение или частичное цитирование материалов агентства допускаются только при наличии в первом абзаце гиперссылки на непосредственный адрес материала на сайте ИА «NewTimes.kz». Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 797820
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика