+7 (7172) 79 78 20

Написать нам в WhatsApp: +7 (700) 402 32 92
14.09.2018 в 11:44

«Smart Generation»: Қызылордада робототехника мектебі ашылды

Қызылордада жас кәсіпкер Серікбол Ералиев «Smart Generation» робототехника мектебін ашты.

«Smart Generation»: Қызылордада робототехника мектебі ашылды Фото polikarpov.info сайтынан алынды

Кәсіпкерлікпен айналыспас бұрын Серікбол қаладағы қосымша білім беру оқу-әдістемелік орталығында робототехника үйірмесінде жетекші болып жұмыс жасаған. Одан кейін өз ісін ашуды қолға алады.

Кәсіпкер бұл мектепті ашуда 2,4 млн теңге қаржы жұмсаған. Оның ішінде 500 мың теңгесін «Samruk-Kazyna Trust» әлеуметтік жобаларды дамыту қорының тамыз айында ұйымдастырған байқауында жеңіп алған.

Мектепте жасы 6-ға толған балалардан бастап кез келген ниет білдіруші жастар қатыса алады. Мектеп ақылы негізде. Ал «ерекше» балаларға (мүмкіндігі шектеулі балаларға) тегін өткізіледі. Робототехника мектебіне қатысушылар аптасына 4 сағат оқиды.

«Мектепті ашуға түрткі болған жайт – қазіргі заманның талабы. Робототехника саласы өте қарқынды дамып келе жатыр. Заман сұранысы ақпараттық техника саласының мамандары дейтін болсақ, бұл мамандарды қалай дайындаймыз? Мәселе осында. Болашақ осы сала мамандарын бүгіннен, 6 жасынан бастап тәрбиелеуді қолға алғымыз келіп отыр. Мектепке қажетті құрал-жабдықтарды әр елден жинақтадық. Мәселен, кей құралдар Даниядан алдырылды, енді бірін Ресейден, Қытай, Алматы, Астанадан алдық. Мектепті ашқаннан кейін кешенді жасаған жөн. Сондықтан да материалдық базаның толық болуына көңіл бөлдік», — дейді Серікбол Ералиев.

Мұнан өзге мектеп жетекшісі Серікбол айына бір рет осы мектепте оқитын балалардың барлығының басын қосып, жалпы іс-шара өткізуді қолға алмақ. Кәсіпкер бұл қадамын техникамен әуес балалар момын, томаға-тұйық келетінімен, ал жалпы көпшілік шаралар балалардың мінезін ашуға септігін тигізетіндігімен түсіндіруде.

Айта кету керек, қазірдің өзінде мектеп ашылады деп естіген 11 бала оқуға жазылған.


Редакция

Новости Казахстана

Полное воспроизведение или частичное цитирование материалов агентства допускаются только при наличии в первом абзаце гиперссылки на непосредственный адрес материала на сайте ИА «NewTimes.kz». Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 797820
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика