Шымкентте болашақ кәсіпкерлердің инновациялық идеялар байқауы өтті

Шымкент аграрлық колледжінде «Бүгінгі жоба-болашақтың жоспары» тақырыбындағы инновациялық идеялар байқауы өтті. Байқауды ұйымдастырудағы мақсат – жастардың инновациялық және кәсіпкерлік әлеуетін артыруға жәрдемдесу және студенттер арасында кәсіпкерлікті насихаттау.

Фото взято с сайта agr-city.ru

Аталмыш іс шараға «ОҢТҮСТІК» аймақтық инвестициялық орталығының Басқарма төрағасының орынбасары Қансейіт Ақмарал Байсейітқызы, «ОҢТҮСТІК» АИО-ның Даму стратегиясы департаментінің бас менеджері, Шымкент аграрлық колледжі директорының кеңесшісі Ачилов Нұрбек мырза, М.Әуезов атындағы Оңтүстік Қазақстан мемлекеттік университетінің профессоры, Шымкент аграрлық колледжі директорының кеңесшісі Ким Кванг Дон, колледж директоры Г.А. Бекбергенова төрелік етті. Байқауды ашып, қатысушыларға сәттілік тілеген Ақмарал Байсейітқызы суденттерді АИО-тың еншілес компаниясы болып табылатын «Ырыс» микроқаржы ұйымының «Жас кәсіпкер» бағдарламасына қатысып, 2 миллион теңге көлемінде жеңілдетілген несиеге қол жеткізу арқылы, бизнес идеяларын жүзеге асыруға шақырды.

Инновациялық идеялар байқауында барлығы 13 жоба қорғалды. Нәтижесінде: І-орынды «Органикалық таза өнім-биогумусты дайындау» тақырыбымен А9-161 тобының студенті Н.Арынбек, ІІ-орынды «Сәндік гүлдерді өсірудің жаңа технологиясы» тақырыбында А-181 тобының студенті Ж.Естай, Ж. Сырлыбай ІІІ-орынды «Кондитерлік цех ашу бойынша бизнес-жоспар» тақырыбымен ТК-181 тобының студенті Ә.Тұрғанбек иеленді.

Келесі 3 жоба номинациялармен марапатталды: «Іздемпаз» номинациясымен «Плаза» инвесторлық жоба тақырыбында ТТС9-171 тобының студенті А.Алтынбекова марапатталды. «Шығармашыл» номинациясымен «Сүт өнімдерінің өндірісі» тақырыбында СТ9-171 тобының студенті Б.Исқали марапатталды. «Үздік жоба» номинациясымен «Жабық тамыр жүйесімен ағаш өсіру технологиясы» тақырыбында ОШ9-151 тобының студенті С. Құлтас марапатталды.