среда, 1 февраля, 2023
icon
460.51
icon
498.69
icon
6.53
Алматы:
icon
2oC
Астана:
icon
-17oC
Подпишитесь на нас:
KazTimes Редактор
28 ноября, 2018, 17:36

Оралда «Жаңа толқын – 2018» атты жастар фестивалі өтті

БҚО жастар саясаты мәселелері бойынша басқармасының қолдауымен өткен фестивальға Ақ Жайық өңіріндегі жоғары оқу орындарының 1-курс студенттері қатысты.

Оралда «Жаңа толқын – 2018» атты жастар фестивалі өтті

«Ақжайық КВН лигасы» жастар қоғамдық бірлестігі ұйымдастырған бұл шараның негізгі көздеген мақсаты - университет қабырғасында білім алып жүрген студент жастарды біріктіру, талантты жастар мен үздік команданы анықтау. Сондай-ақ олардың мәдени әрі руxани тұрғыдан дамуына жағдай жасау, білімгерлердің шығармашылығын дамытуға мүмкіндік беру болып табылады. Сөйтіп олардың білімді маман ғана емес, жан-жақты қабілетті тұлға етіп қалыптастыруына себепші болуды мақсат тұтты.

Жыл сайын дәстүрлі түрде өткізіліп келе жатқан бұл өнер сайысына қатысушылар «Ең үздік жүргізуші», «Эстрадалық ән», «Хореография», «Аспапта орындау шебері», «Көркемсөз шебері», «Үздік дәстүрлі ән», «Жайдарман» аталымдары бойынша сынға түсті. Биылғы фестивалдің ерекшелігі сол, сайыскер жастар арасында бірлікті насихаттау, топпен жұмыс істеуге дағдыландыру мақсатында «Үздік жанкүйер», жастар арасындағы қоғамдық мәселелерді анықтау, студенттік өмірдің ерекшелігі мен қызықты сәттерін көрсетуі үшін «Үздік студенттік вайн» аталымдары қосылды.

Фестиваль қорытындысы бойынша М.Өтемісов атындағы БҚМУ студенттері үздік болды. 2-орын Жәңгір хан атындағы БҚАТУ командасына бұйырса, қалған жүлделі орындарға БҚИТУ мен ҚазИТУ құрамалары тұрақтады.

Байқау соңында жүлделі орын иегерлері дипломдармен, арнайы  медальдармен, кубок және бағалы сыйлықтармен марапатталды.

Что думаете об этом?
Подпишитесь на нас:


Эксклюзив
Интервью и мнения