ҚР Тұңғыш Президенті Н.Ә.Назарбаев жыл сайынғы Қазақстан халқына арнаған Жолдауларында бұқаралық спорт пен дене шынықтырудың қолжетімділігін арттыру қажет екендігін айтып, ел халқының 30 пайызын спортқа жұмылдыру межесін қойған болатын.
Осы орайда, бүгін Елорданың Нұр-Сұлтан атауына өзгеруіне байланысты «Болашақтың қаласы» атты марафон ұйымдастырылды. Акцияға қатысқан 200-ден аса аудан тұрғындары мен белсенді жастар Орталық стадионнан бастап аурухана ғимараты аралығын жүгіріп өтті.
Шараға қатысушылар еліміздің бас қаласы атауының өзгеруін бірауыздан қолдайтындықтарын айтып, Елбасының есімі ұлықталғанына ризашылықтарын білдірді.
