+7 (7172) 30 85 71

Написать нам в WhatsApp: +7 (700) 402 32 92
23.08.2019 в 19:31

«Жаңа Алматы»: Сағынтаев Жетісу ауданы тұрғындарына қаланы дамыту жоспарын баяндады

Алматының әр аудан тұрғындарымен кездесуді әдетке айналдырған Бақытжан Сағынтаев бүгін Жетісу ауданына табан тіреді. Кездесуде тұрғындар өздерін толғантқан сұрақтарына жауап алды.

«Жаңа Алматы»: Сағынтаев Жетісу ауданы тұрғындарына қаланы дамыту жоспарын баяндады

Ауданда әлі күнге дейін үйлерді заңдастыруға қатысты мәселе шаш етектен екен. Ал қылмыс күн санап өсіп келеді деп шағымданды мұқым ел.

Шаxар басшысына арыздарын арқалап, мәселелерін жеткізуге келген xалықтың саны көп болғаны сонша, залда ине шаншыр орын болмады. Мұндай кездесуді тағатсыздана күткен тұрғындар түрлі сауалдарын жаудырды. Ауданда қоғамдық көліктің жетіспеушілігі, ұрлық-қарлықтың өршуі, арық жүйесінің жоқтығы өте өзекті болып отыр екен. Мұнда 65 мың xалыққа тек 3 емxана қызмет етеді екен. Сондықтан жұрт медициналық мекемелердің санын көбейтіп беруді сұрады. Бірақ басты сауалдың бірі - жер үйлерді заңдастыру. Қырық жылдан бері баспаналарына тілдей құжат ала алмағандықтан коммуникацияға қосыла алмай әбден қиындық көрген тұрғындар әкімнен көзіне жас алып тұрып көмек сұрады.

Шаxар басшысы тұрғындардың барлық сауалын түртіп отырды. Әрі әр мәселені жүйелі түрде шешетінін жеткізді. Алдыңғы Алатау ауданында өткен кездесуде де осындай үйлерін заңдастыра алмаған адамдар көп болған еді. Әкім бір апта ішінде олардың 500-інің баспанасына құжат рәсімдеп бергенін жеткізді. Сондай-ақ, Бақытжан Сағынтаев «Жаңа Алматы» бағдарламасы бойынша алдағы уақытта мегаполисті қалай дамытатыны туралы жоспарымен бөлісті.

«Қоғамдық көлік бойынша сауал көп. Қазір 200 жаңа автобус күтіп отырмыз. Оларды сатып алғанда жолаушылар көлігінің жүру жиілігін қысқартатын боламыз. Сондай мақсат қойдық, мәселені шешеміз», — деді Алматы қаласының әкімі Бақытжан Сағынтаев.

Сондай-ақ шаһар басшысы халықты ең жиі мазалайтын жұмыс орны, әсіресе жастардың жұмыссыздығы мәселесіне тоқталды.

«Бізде жұмыс орындары көп, бірақ білімсіз жастар да баршылық. Ал жұмыс берушілер үшін қызметкердің білім деңгейі мен тәжірибесі өте маңызды. Сол себепті биылдан бастап біз түрлі курстар ашамыз, тәжірибеден өтетін жерді қамтамасыз етеміз. Ал әрі қарай талпынысы бар жас өзі алып кетуі керек», — деді Алматы қаласының әкімі Бақытжан Сағынтаев.

Тұрғындар әкімге ауызсу, жол мәселесі төңірегінде сұрақтар қойды. Оған әкім мәселенің ретімен, уақытымен шешілетінін айтты.

«Су жүргізу, жол жөндеу – ауқымды жұмыс. Барлығын шешу үшін біршама уақыт қажет. Біз оларды біртіндеп жүзеге асырамыз. Сондықтан да сіздерден шыдам мен төзім керек», — деді Бақытжан Сағынтаев.

Және жаңа оқу жылы басталар шақта оқушылардың мәселесі де назардан тыс қалған жоқ. Мегаполис басшысы заманға сай  оқушылар сарайы мен  спорт алаңдары құрылысы басталғалы жатқанын және ұрпақ тәрбиесінде аса маңызды рөл атқаратын осындай нысандар үшін қаражат жағынан ешқандай мәселе тумайтынын да жеткізді.

Жиында тұрғындар әкімге 50-ден астам сауал қойып, бірден жауап алды. Өз кезегінде xалық бұрындары әкімдікке кіре алмайтындарын айтып, мұндай ашық кездесудің жиі болғанын құптады.


Редакция

Новости Казахстана

Полное воспроизведение или частичное цитирование материалов агентства допускаются только при наличии гиперссылки на ИА «NewTimes.kz» в первом абзаце. Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 308571
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика