Күйеуін «Сұлтан Бейбарысқа» теңеген Гүлзира Айдарбекова тағы да ұятқа қалды

Әлеуметтік желідегі әр қадамы жұрт назарынан тыс қалмайтын Қайрат Нұртастың ата-анасы қайтадан халықтың талқысында. Бұл жолы Гүлзира Айдарбекова жолдасы Нұртасты тарихи тұлға Сұлтан Бейбарысқа теңеген, деп хабарлайды Экспресс К.

Фото: instagram.com / gulziraaidarbekova

Атышулы продюсер Instagram-ға күйеуі Нұртас Айдарбековтің жас кезіндегі суретін жүктеген.

Аталған фотоның астына балаларының әкесін Сұлтан Бейбарысқа ұқсатып, төмендегідей жазба қалдырыпты.

«Сұлтан Бейбарыстың жас кезіне ұқсайды екен. Бұл кісіні танығандар бар ма?» — деп желідегі жұртқа сауал жолдаған.

Гүлзираның бұл жазбасын әдеттегідей көпшілік жақтырта қоймаған.

Тарихты жақсы білетін желі қолданушысының бірі Сұлтан Бейбарыстың бейнесін суреттеп, продюсердің бұл теңеуіне мысқылдап жауап жазыпты.

«Сұлтан Бейбарыстың көзі көк, сақал-мұртты, қасы қалың ойықтай болған. Сіз де ұқсатыпсыз», — деді оқырмандарының бірі.