вторник, 31 января, 2023
icon
459.92
icon
501.31
icon
6.62
Алматы:
icon
-7oC
Астана:
icon
-18oC
Подпишитесь на нас:
Общество Аружан Сердалина
19 декабря, 2022, 17:04

«Сатушы қыздың қолынан сүйген»: Оңтүстік Кореяда отандасымыз қамауға алынды

Оңтүстік Корея еліне жұмыс істеуге барған отандасымыз қамауға алынды. Бұл туралы @korea_komek Instagram парақшасы жариялады, деп хабарлайды «Адырна» ұлттық порталы.

«Сатушы қыздың қолынан сүйген»: Оңтүстік Кореяда отандасымыз қамауға алынды

Фото: pexels

Ақпаратқа сүйенсек, Қазақстан азаматы азық-түлік дүкеніндегі сатушы қызға қырындап, қолынан сүйген.

«Оқиға орнына полиция келген кезде қазақстандық жігіт қашып кеткен. Жедел іздестіру барысында полиция қызметкерлері отандасымызды ұстады. Кәріс қызына қырындаған жігіт уақытша ұстау изоляторына қамауға алынды. Сотқа дейінгі тергеу жұмыстары басталды», ―делінген мәліметте.

Егер Қазақстан азаматының кінәсі дәлелденсе, ол 1 жылға дейін бас бостандығынан айырылу жазасын арқалауы мүмкін екен.

Оңтүстік Кореядағы қазақстандық блогер Самат Ахметовке шет елге нәпақа табуға барған отандасымыз ондағы заңның осыншама қатал екенін білмегенін, басқалар қателігін қайталамауын айтып берген.

«Мен үлкен қателік жасадым. Қыздан кешірім де сұрадым. Кореяның заңы осыншама қатал екенін, бір ғана қолынан сүйгенім үшін қамауға алынатынымды білген жоқпын. Басқа жігіттерге айтарсыз, олар мен жасаған қателікті қайталамаса екен»,― дейді қамауға алынған қазақстандық.

В статье:
Что думаете об этом?
Подпишитесь на нас:


Эксклюзив
Интервью и мнения