Әлеуметтік желіде соңғы қоңырау салтанатында жылаған мұғалімнің видеосы тарады, деп хабарлайды Massaget.kz тілшісі.
Қазнеттігілер педагог оқушыларды қимай жылап жатыр деп топшылаған. Кадрлардан оның әрбір оқушы ұстаған ленталарды қиып жатқаны көрінеді. «Ұстаз оқушыларын қимай жылап қалды», — делінген видеода.
Желі қолданушылары ұстазға ақ тілектерін жаудырып, нағыз мұғалім екенін жазған.
«Он бір жыл бойы ыстық-суығына төзген ұстаздың еңбегі орасан. Әрине, қимайды», «Мен неге жылап отырмын еркек басыммен?», «Артық сөз жазбаңыздаршы өтінемін. Қимастық сезім ғой, көңілі босап жатыр. Ол да балдарындай болып кетеді. Ұядан ұшырайын деп жатыр алдағы үлкен өмірге. Апайлары жақсы адам болып тұр ғой», «Бағып қаққан балапандары қанаттанып ұяларынан ұшып барады, жолдары болсын сізге мың алғыс», «Ұстазы керемет, қошеметтке лайықсыз!!!» — дейді әлеуметтік желідегілер.
