Ұлыбританияда танымал 90 DAY Fiancé UK шоуының жаңа бөлімі шықты. Сериал алыс қашықтыққа қарым-қатынас орнатуға тырысатын адамдар туралы. Танымал шоудың жаңа сериалында қазақ қызы мен ағылшынның қарым-қатынасы туралы айтылады. Бұл жөнінде Stan.kz ақпарат агенттігі The Sun басылымына сілтеме жасап хабарлайды.
Шоудың жаңа сериясы 45 жастағы шотландиялық Роберт пен қазақстандық 35 жастағы Әселдің қарым-қатынасына арналған. Жұптар 2021 жылдың соңында танысу сайтында жолыққан және ағылшын жігіті Әселге бірден ғашық болып, алғашқы бейнеқоңырау кезінде оған сезімін білдірген.
The Sun басылымының хабарлауынша, жұптар алғашқы Рождество мерекесін бірге өткізуге дайындалып жатыр. Ағылшын мен қазақ қызының қарым-қатынасының дамуын дүние жүзіндегі мыңдаған көрермендер бақылайды.
Шоудың бірінші бөлімінде Әсел Робертпен кездесу үшін Ұлыбританияға ұшып кетті. Алайда серігімен жеке танысқан бойжеткен оның кемшіліктерін байқайды. Шоуда бойжеткен өзінің таңдағанының киім орны жайлы, тазалығы және консерватизмі туралы түсініктеме береді.
Айта кетейік, британдық 90 DAY Fiancé UK шоуы қашықтықтан қарым-қатынас орнатуға тырысатын адамдар туралы. Сериал британдық көрермендер арасында өте танымал, соған байланысты ол екінші маусымға жаңартылды. Шоу ережесі бойынша әрбір жұпқа бір-бірімен қарым-қатынас орнату үшін 90 күндік мерзім беріледі. Олар кейбір қиындықтарға кезігеді, бұл оларды нақты сынақтан өткізеді.
