Танымал продюсер Баян Мақсатқызының QUEEN шоуындағы биі әлеуметтік желі қолданушыларының қызу талқысына түсті, деп хабарлайды KYN.KZ тілшісі.
Шоу бизнес өкілінің видеосын İnstagram парақшасына Аида Кауменова
«Құрбыма әр дайым таң қаламын. Бұл ғажап енді», — деп бөлісіп қойған.
Ал кадр астындағы пікірлер екіге жарылады. Біріне ұнаса, енді бірі ғайбаттап жатыр.
«Жарайсың! Кез келгеннің қолынан келмейді. Жақсы көрем. Бағалаймын. Бұл шоу бизнестің мүлдем басқа деңгейі»,
«Көп әйелге үлгі. Қалай осы қалпын сақтап қалады екен. Мықты»,
«Жердің сілкіне беруіне бірден бір себеп, кінәлі осылар»,
«Қазақ әйеліне жараспайтын қылық», — деп жазды олар.
Айта кетейік, QUEEN шоуы 5 наурыз күні өткен болатын. Кешке өнер жұлдыздары қатысқан. Солардың ішінде әнші Мөлдір Әуелбекова да бар еді. Ол шоудың өте қиын болғанын айтып, әлеуметтік желіге видео бөліскен.
«2 жіпке ілініп, қорқыныш пен ыңғайсыздықта жанды дауыста ән айту оңай болмады», — деп жазды Әуелбекова әлеуметтік желідегі парақшасына.
