понедельник, 17 июня 2024 г.
icon
450.79
icon
482.21
icon
5.05
Алматы:
icon
30oC
Астана:
icon
28oC
1xadv
×

Қыран Талапбектің әйелі отбасылық өмірі жайлы шындықты айтты

Танымал видеограф Қыран Талапбектің әйелі Гүлзада Тұрлаш отбасылық өміріне қатысты шындықты айтты. Ол күйеуінің қандай қасиетіне тамсанатыны жайлы Youtube желісіндегі Kyran Films арнасында баяндады, деп жазады KAZ.NUR.KZ.

Фото: instagram.com/gulzada_tl
Фото: instagram.com/gulzada_tl

Осыған дейін көпшілікке актриса ретінде танылған Гүлзада Тұрлаш күйеуінің тәуекелділігі жетістікке жетелегенін атап өтті. Әңгіме барысында ол жолдасының өзіне қойған талабын да атауды ұмытпады.

«Қыранмен танысқанда оның 132 млн теңге қарызы болды.Оның жабуға ақшасы да болған жоқ. Мұны айтуға бола ма, болмай, білмеймін. Жүріп жүрген кезде «Сен қалай ойланасың? Не істейміз? Қалай жабасың?» дедім. Қыран маған сонда «Менде қазір саған бүкіл қалағаныңды сыйлайтын ақша жоқ. Менде қарыз бар. Егер қасымда болып, бәріне шыдасаң, 1-2 жылда күшті өмір сүресің, қалаған затыңды аласың, қалаған жеріңе барасың. Шыдайсың ба?» — деді. Мен келістім. Сол күнге жеттік. Қыран – тәуекелдің адамы. Ол жарты жыл бұрын жауып тастады. Қазір Қыранның тәуекел еткенінің арқасында жақсы үйде тұрамыз. Сондықтан тәуекел етуден қорықпаңыздар», — деді Гүлзада Тұрлаш. 

Көпшілік ер адамның табысқа жетуіне әйелдің ықпалы бар екенін айтып, оң пікірін жазды.

«Сондай ер адамдарды жақсы көремін», «Негізі ер адамға әйелдің қолдауы болса, тауды да қопарады», «Ол күйеуіне сенім артты, бұл керемет қолдау», «Тәуекел түбі – жел қайық, өтесің де кетесің», «Осындай қыздар көп болсын», — деп жазды жұрт. 

Что думаете об этом?
Нравится 0
Мне все равно 0
Забавно 0
Сочувствую 0
Возмутительно 0