Не шықса да Шымкенттен шығады. Алла үйіне жиналған бір топ жігіт «Нұрсұлтан-Қазақстан» деп ұрандатып, Елбасыға қолдау көрсетпек болды, деп хабарлайды «NewTimes.kz» ақпараттық агенттігі.
Желіде Шымкенттегі мешіттердің бірінде орын алған жағдайдың видеосы пайда болды. Онда жас жігіт Алла үйіне келген жамағатты жинап алып, насихат жасайды.
«Елбасыға қазір жан-жақтан ғайбаттама келіп жатыр. Украина бар, мына жақ, ана жақ... Ірікті ешкім салмау керек. Біз Елбасыны қолдасақ, тек қана сол кезде біздің саясатымыз тура жүреді. Сол үшін сіздерден сұрайтыным, «Нұрсұлтан» дегенде «Қазақстан» деп бәріміз ұжыммен қолымызды көтеріп «дух» беріп жберейік»,-дейді мешітке келген жігіт. Бір қызығы, мұның сөзін өзгелер қолдап, ұрандата жөнеледі. Мұны көрген имам жігітке жасаған әрекетінің бұрыс екен, Алла үйінде бұлайша ұрандатуға болмайтынын ескерткен. Ал бұл өз кезегінде қазақстандықтардың ашуына тиді. "Жағымпаздықтың да шегі бар", "Мешіт - Алланың үйі, Алламен ешкімді теңестіре алмайды" деген желі қолданушылары олардың әрекеттері ақылға қонымсыз деп пікір білдірді.
