+7 (7172) 30 85 71

Написать нам в WhatsApp: +7 (700) 402 32 92
06.09.2017 в 08:30

Директор шытырлатып ақша жинап келді деген ОҚО ұстаздары министрден араша сұрап отыр

Оқу жылының басталғанына санаулы күн өте салысымен Оңтүстік Қазақстан облысындағы білім ұяларының бірінде шу шықты. Ұстаздар басшымыз тексеру мен сағат бөлуге ставка қойып, қалтамызды қағып келді деп шағымдануда. Бұл туралы КТК арнасына сілтеме жасап «NewTimes.kz» ақпараттық агенттігі хабарлайды.

ОҚО, Сайрам ауданы, Әсіларық ауылындағы жалғыз мектептің мұғалімдері директордың құлқынын толтыра алмай шаршап жүр. Себебі білім ұясында бір жылдан бері тыныштық жоқ. Ұстаздардың айтуынша, директор қит етсе теңге жинауды әдетке айналдырыпты. Жұмысқа кіргізу үшін де, сабақтың сағатын көбейту үшін де шытырлатып ақша алатын басшы, жыл басында аттестация үшін де 25 мыңнан жинады дейді олар. Бірақ, мектеп сол күйі сынақтан өтпей қалыпты.

«25 мың теңгені қайтаруды біз талап етіп отырмыз. Бала-шағамыздың аузынан жырып беріп отырған ақша. 25 мың теңгеден 50 мұғалім беріп отыр. Ол миллиондаған қаржы»,- дейді Ш.Уәлиханов атындағы мектеп директорының орынбасары Айгүл Рүстемова.

Тіпті, СЭС, өрт сөндірушілер мен өзге қызметтер мектепке тексеріспен келсе де әр мұғалім ақша жинайды екен. Осыдан әбден мезі болған ұстаздар Қатира Жұмабек директор боп келгелі білім сапасының да тым төмендеп кеткенін айтады. Аядай ғана ауылға тез тараған былық елді екіге бөліп, тіпті оқушылар арасына жік түсірген. Директор Қатира Жұмабектің айтуынша, мектепте арақ ішкен кей мұғалімді ұстап түсініктеме жаздырған. Сондықтан жанжалдың шығуына мұғалімдердің кегі себепкер болуы мүмкін дейді ол.

«Мектепте маған ешкім ақша берген жоқ. Қолыма ешкім ақша ұстатқан жоқ. Заң жүзінде дәлелдеп көрсетсін. Бірінші аттестациядан өтті мектеп. Бірақ 9-шы, 10-шы, 1-ші сыныптың білім сапасының төмендігінен өте алмай қалдық»,-дейді Ш.Уәлиханов атындағы орта мектептің директоры Қатира Жұмабек.

Ұстаздар болса, арақ ішті деген директор сөзін қып-қызыл жала дейді. Сондықтан, тіпті ар-намысы тапталғаны үшін соттаспақ. Жалпы, мұғалімдердің бір тобы былтыр ақша жинағыш басшының үстінен Сайрам ауданындағы құзырлы органдарға арыз түсірген. Алайда, ешқандай нәтижесін көре алмапты. Сондықтан, әсіларықтық педагогтар мәселеге министрліктің араласуын сұрап отыр.


Редакция

Новости Казахстана

Полное воспроизведение или частичное цитирование материалов агентства допускаются только при наличии гиперссылки на ИА «NewTimes.kz» в первом абзаце. Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 308571
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика