Казнетте тарап кеткен видеода екі әжейдің Головкин мен Алварьрестің кездесуі туралы әңгімесі өрбейді. Сол сәтте кейуананың бірі құмалақ ашып, жекпе-жекке болжам жасайды. Өз сөзінде әжей «Әй, білмеймін, екеуі көлденеңдеп бірдей түсіп тұр ғой. Тепе-тең тұр. Бірін-бірін жеңе алмай қалар ма екен?..» дейді ол. Желі қолданушылары аталған видео ғаламторға жекпе-жек өтіп қойған соң жасалынған болжам деп пікірлерін қалдырса, басым көпшілігі бұл видеоны кездесуге дейін желі арқылы алғанын хабарлады. Мұнан соң қолданушылар пал ашқан кейуананың мекенжайын сұрап, іздей бастады. Тіпті кейбірі букмекерлік кеңселерге әжейді ертіп апару керек деп қалжыңдай да түсті.
+7 (7172) 79 78 20
