Танымал әнші әсіресе соңғы кезде жастардың аузынан түспейтін «зың-зың-зың», Ерке Есмаханның орындауындағы «жоқ, жоқ» әндеріне шүйлігіп отыр.
«Біз қазақ эстрадасын қалыптастыруға үлес қосып келе жатқан әншілерміз. Біздің артымыздан жап-жақсы әншілер еріп келе жатқан еді. Аяқасты өзгеріп шыға келді. Еуропаның, Африканың әндерін алады да, оған қалай болса солай қазақша сөздер жаза салады. «Зың-зың-зың, дың-дың-дың», «Жоқ-жоқ-жоқ» деген енді ән бе? Бұлар ұрпақты немен тәрбиелеп жатыр? Ұлы ақындарымыздың өлеңдері қайда қалды?», — деп ашынды Мақпал Жүнісова.
Оның айтуынша, егер эстрада өкілдері осы жолмен әрі кете берсе қазақтың ән өнері біржола құрдымға кетеді.
