Instagram әлеуметтік желісіндегі elbasy_live парақшасында Мемлекет басшысы Нұрсұлтан Назарбаевтың Өзбекстан мен Қырғызстанның бұрынғы президенттері марқұм Ислам Каримовпен және Асқар Ақаевпен боулинг ойнап жатқан сәті түсірілген видео жарияланды.
Автор видеоның архивтен алынғанын, бұл оқиға Шымбұлақтағы демалыс орындарының бірінде болғанын жазған. Онда сол кездегі бауырлас үш елдің президенттері боулинг ойнап, өздерін шебер ойыншылардан кем емес екендігін көрсеткісі келгенін аңғаруға болады.
Айта кетейік, аталған парақшада Нұрсұлтан Назарбаевтың сирек суреттері мен видеолары, тарихи сәттері бейнеленген фотолары жарияланып отырады.
