Шарбақты ауданының кәсіпкерлік және ауыл шаруашылығы бөлімінің басшысы Абдулла Омаровтың айтуынша, кәсіпкерлер мұнда 2014 жылы көшіп келіп, 12 сиыр қорасын, үш мың тонна өнім сақтайтын астық қоймасы мен жатақхана салған. Сонымен қатар, бизнесмендер мемлекеттік бағдарламаға қатысқан. Олар «Сыбаға» бағдарламасы бойынша 88 бас бұқа мен 1600 герефорд тұқымдас және ақбас сиыр сатып алған.
«Олар біздің өңірдің экономикасына 800 миллион теңге салған. Мемлекет тарапынан 80 пайызы субсидияландырылатын «Жайылымдарды суландыру» бағдарламасы бойынша 21 ұңғыма қазылған. Оның жетеуіне 7,6 млн теңге көлемінде субсидия және «Асыл тұқымды қайта қалыптастыру» бағдарламасы бойынша қосымша 47 млн теңге алды», — дейді Абдулла Омаров.
Бизнесменнің сөзіне сүйенсек, кәсіпкердің 12 мың гектар жері бар. Оның алты мың гектары егіндік, қалғаны шабындыққа берілген. Биылғы жылы фермерлер алғаш рет екі мың гектар жерге судан шөбін еккен. Бұдан басқа, бір гектар жерге арпа себілген. - Бізде 37 адам жұмыс істейді. Олардың 70 пайызы жергілікті тұрғындар, қалғаны Май және Ақтоғай аудандарынан келген. Олардың отбасы үшін тегін тұратын жатақхана салдық. Ғимарат 45 төрт отбасын «Солтүстіктен – Оңтүстікке» бағдарламасы бойынша шақыруды жоспарлап отырмыз», — дейді «КС ет» шаруа қожалығы басшысының міндетін атқарушы Абзал Төлеубеков.
Облыстық білім беру басқармасы ұсынған мәліметке сүйенсек, 2014 жылы Павлодар мемлекеттік педагогикалық институтына 13 мамандық бойынша еліміздің оңтүстік өңірінен 140 студент қабылданған болатын. Олардың ішінде студент өз еркімен денсаулығы мен отбасының жағдайына байланысты оқудан шығарылған. Былтыр Павлодар мемлекеттік педагогикалық институты аталмыш бағдарлама аясында 17 мамандық бойынша 175 грант бөлінді. 2015-2016 оқу жылы Оңтүстік Қазақстан облысы өңірінен арнайы жалпы орта оқу орындарына 175 адамды қабылданы. Олар Павлодар қаласының технологиялық бизнес колледжі, көлік және коммуникациялық колледжі, химия-механикалық колледжі, Ақсу қаласының Жаяу Мұса атындағы колледж және Красноармейка агралық-техникалық колледжінде білім алуда. Аталмыш бағдарлама бойынша оқитын студенттерге шәкіртақы, тегін жатақхана, күніне үш рет тегін тамақтану, жылына екі рет үйіне барып келу үшін жолақы, киім-кешек, медициналық қызмет көрсету сияқты әлеуметтік жеңілдіктер қарастырылған.
Еске сала кетейік, Ресейге қоныс аударып жатқандардың артуымен байланысты Солтүстіктің тұрғындары соңғы жылдары азайып барады. 2050 жылға қарай мұндағы халық саны тағы 1 миллионға қысқаруы мүмкін. Ал оңтүстікте керісінше өсім қарқыны күшті. Алдағы 20 жылда адам саны бұл өңірде 5 миллионға артады деп есептепті мамандар. Сондықтан солтүстік облыстарға барып жұмыс істейтіндерге мемлекет қолдау көрсетпекші.
