Жеңімпаздарды облыс әкімінің орынбасары Шолпан Ілмұханбетова марапаттап, бағалы сыйлықтар табыстаған болатын.
Оның айтуынша, ел экономикасының дамуына Маңғыстау облысының қосқан үлесі зор. Оның ішінде кәсіпкерлік саласы қарқынды. Бүгінгі байқау да осының дәлелі.
«2016 жылдың мүмкіндігі шектеулі үздік кәсіпкері». Бұл номинация бойынша Бибатпа Кенжебекова жеңімпаз атанды. Мүгедекпін деп, тасада қалмады. Еңбекке құштарлығын көрсетті. Міне, оның жемісін де көріп отыр. Отбасылық кәсіпкерлікті жандандырған Кенжебековтер Мұнайлы ауданын сүт өнімдерімен қамтып отыр. Шаруашылықтың аясын кеңейту жаспарда бар. Аудан, облыспен ғана шектелмей Республикаға өнімдерін шығармақшы», — деді Шолпан Ілмұханбетова.
«2016 жылдың туризм саласындағы үздік кәсіпкері». Бұл аталым «Турист» серікгестігіне бұйырды. Ел тәуелсіздік алғалы қолға алған істі дамыту оңай болмады. Талай қиындыққа төтеп берген басшысы өз кәсібін ғана емес, өңірдің туристтік саласын дасытып отыр.
«Үздік стартап –кәсіпкер» номинациясы. Бұл биылғы облыстық байқаудың ерекшелігі. Жыл сайын өңірдегі жас кәсіпкерлер саны артып келеді. Сондықтан, оларға қолдау көрсетіп, алға тарту біздің мақсатымыз», — дейді кәсіпкерлер палатасының өкілдері.
Бүгінде, осы аталым бойынша «эко констракшен компани» серіктестігі үздік деп танылды. Компания апат кезінде қауіпсіздікті сақтайтын резеңке жабындыларды өндіреді.
Ал, нарыққа енгеніне 20 жыл болған «Берекет- Ф» компаниясы «Өңірдің әлеуметтік- экономикалық дамуына қосқан үлесі» үшін марапаталды.
«Мен байқау ұйымдастырушыларына алғысымды айтқым келеді. Біздің еңбегімізді елеп, ескеріп жатқандары үшін рақмет. Сондай-ақ өз ұжымыма да үлкен алғыс айтамын. Осындай жетістіктерге жетіп, өңірдің дамуына үлес қосып жатқанымызда жұмысшыларымыздың арқасы. Барлығына алғысым шексіз», — дейді «Берекет-Ф» ЖШС директоры Зарета Фаталиева.
Халық игілігіне қызмет етіп жүрген орта және шағын бизнес өкілдерінің еңбегін көрсетуге арналған облыстық байқау биыл 4-ші рет өтті. Кәсібінің нәсібін көріп отырғандар үшін бұл үлкен мүмкіндік. Байқау барысында кәсіпкерлер бір-бірімен танысып, тәжірибе алмасты. Оң бәсекелестік олардың бизнесін дамытуға, одан әрі өркендеуіне септігін тигізіп отыр. Нәтежиесінде үздіктері анықталып, дипломдар мен бағалы сыйлықтарға ие болды. Жеңімпаздар ғана емес байқауға қатысқандардың барлығы құр алақан қайтпады. Еңбектері еленіп, алғыс хаттар табысталды.
