+7 (7172) 30 85 71

Написать нам в WhatsApp: +7 (707) 888 02 16
28.10.2016 в 14:17

Шымкентте террористік тұрғыдан осал нысан басшыларына ірі көлемде айыппұл салынды

Оңтүстік Қазақстан облыстық Ішкі істер департаменті мен Ішкі саясат басқармасы мамандары бірігіп, облыс аумағындағы адам көп жиналатын нысандардың террористік тұрғыдағы қауіпсіздігін тексеріп қайтты. Бұл туралы Ішкі саясат басқармасы басшысының орынбасары Бахыт Ахымбетов мәлімдеп отыр.

Оның айтуынша, Шымкенттегі бірнеше нысанда адамдардың қауіпсіздігі қарастырылмаған. Салдарынан, аталған нысан басшыларына ірі көлемде айыппұлдар салынды.

«ОҚО ІІД-нен құралған жұмысшы топ қызметкерлерімен 108 нысанға (оның ішінде: 12 ірі сауда орталықтары, 10 салтанат сарайы, темір жол вокзалы, 5 стадион, халыққа қызмет көрсету орталығы, қонақ үй мен базарлар және 80 стратегиялық және қауіпті нысандар) тексерулер жүргізілді. Нәтижесінде, ҚР Әкімшілік құқықбұзушылық туралы кодексінің 149 бабына сәйкес, «террористік тұрғыдан осал объектінің терроризмге қарсы қорғалуын қамтамасыз ету және қауіпсіздігінің тиісті деңгейін сақтау жөніндегі міндеттерді орындамау» бойынша «Метро», «Әл-Фараби» сауда орталықтары мен «Евразия» салтанат сарайының мекеме басшыларына әкімшілік құқық бұзушылықтар туралы хаттама түзіліп, іс-құжаттары Шымкент қаласының мамандандырылған әкімшілік сотына жолданып, сауда орталықтарының басшыларына 100 АЕК мөлшерінде, 212 100 теңге айыппұл салынды. Ал, «Евразия» салтанат сарайы басшысына 200 АЕК мөлшерінде, яғни 424 200 теңге айыппұл салынды», — дейді Б.Ахымбетов.

Айта кетейік, биыл маусым және шілде айларында Ақтөбе мен Алматы қалаларында орын алған лаңкестік оқиғалардан кейін еліміздің барлық аймағында қауіпсіздік шаралары күшейтілді. Адамдар көп шоғырланатын әуежай, темір жол вокзалы мен автовокзалдарда қауіпсіздік қызметінің мамандары тексеру жұмыстарын жиілеткен.

Сондай-ақ, дін өкілдерінен тұратын ақпараттық топ халық арасында түсіндіру шараларын да жүргізіп жатыр. Басты мақсат – теріс діни ағымдардың жолын кесіп, жастардың адасуына жол бермеу.

Самые интересные новости в нашем Telegram-канале


Редакция

Новости Казахстана

ИА «NewTimes.kz» ЗАПРЕЩАЕТ копировать и перепечатывать материалы агентства с пометкой «Эксклюзив», а также их фрагменты. ЗАПРЕТ распространяется на все зарегистрированные СМИ, а также паблики в Instagram. Полное воспроизведение или частичное цитирование других материалов агентства допускаются только при наличии гиперссылки на ИА «NewTimes.kz» в первом абзаце. Фото- и видеоматериалы могут быть скопированы и размещены только с подписью «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. 
Реклама на сайте

Мы в соцсетях

       

Приложения Newtimes для:
iPhoneAndroid

  Яндекс.Метрика