Талдықорған қаласында Алматы облыстық мәслихатының депутаты, «Нұр Отан» партиясының мүшесі Доғдргүл Молдахалықованың төрағалығымен партияның сайлауалды бағдарламасының «Денсаулық сақтау» бағыты жөніндегі комиссияның отырысы өтті, деп хабарлайды NewTimes.kz.
Күн тәртібінде міндетті әлеуметтік медициналық сақтандыру енгізу шеңберінде негізінде денсаулық жүйесін жетілдіру, Қазақстан Республикасын дәрі-дәрмекпен қамтамасыз ету, отандық дәрілік препараттарды шығаруды жетілдіру мәселелері талқыланды.
Партиялық куратор Доғдргүл Молдахалықова өзінің сөзінде, халықтың денсаулығын сақтау және оны қорғау кез-келген мемлекеттің дамуында ерекше орын алады. Міндетті әлеуметтік медициналық сақтандыруды енгізу – бұл қаражатты бір жерде жинақтау ғана емес, көрсетілетін медициналық қызметтердің сапасын бақылауға мүмкіндік береді.
«Бүгінгі күні, мемлекетпен кепілдендірілген дәрілік препараттарды әрбір пациенттің алуын тексеруге мүмкіндік беретін амбулаторлық деңгейде дәрі-дәрмек заттарды алатын диспансерлік топтар бойынша аурулардың тізімі жасалған», — деді облыстық денсаулық сақтау басқарамасы төрағасының орынбасары Ержан Сүлейменов.
Халықты дәрі-дәрмекпен қамтамасыз ету мәселесі – бұл тек Қазақстан Республикасы Денсаулық сақтау және әлеуметтік даму министрлігінің және жергілікті атқарушы органдардың ғана емес, барлық фармацевтикалық нарық саласындағы қатысушыларының басты міндеті.
«Елімізде әлеуметтік медициналық сақтандыруды енгізу, 2016-2019 жылдарға арналған «Денсаулық» мемлекеттік бағдарламасының негізгі бағыттарын қамти отырып, басқа да реформалар кешенінде жүргізілетін болады», — деді Алматы облысы бойынша медициналық қызметке ақы төлеу департаментінің басшысы Мақсұт Қалажанов.
Отырыстың соңында Комиссия мүшелерімен күн тәртібінде қаралған мәселелер бойынша бірқатар ұсыныстар енгізді.
