+7 (7172) 79 78 20

Написать нам в WhatsApp: +7 (700) 402 32 92
24.11.2016 в 22:30

Ақтауда жігіттердің сұлтанын анықтады

Маңғыстау облысында алғаш рет өндірістік кәсіпорындардағы жас мамандар арасында «Жігіт сұлтаны-2016» байқауы өтті. Аталмыш шара Қазақстан Тәуелсіздігінің 25 жылдығына арналған болатын, деп хабарлайды NewTimes.kz.

«Қыздардың арасында өтетін сұлулық байқаулары үйреншікті жағдай, ал енді жігіттердің арасында мұндай сайыстар сирек кездесетіні рас. «Жігіт сұлтаны» байқауы аймақта мұнайшылар арасында алғаш рет өткізіліп отыр. Дайындыққа біз қатты мән бердік, қатысушыларды вокальдан түбекке белгілі әнші Аида Байгелова, биден тәжірибелі хореограф Айнұр Сариева, домбырадан Мадина Утепова дайындап, жұмыстың жүйелі жүргізілуін Гүлмира Бурхандинова қадағалады. Бұл байқауда барлық жігіттер шығармашылық, тапқырлық, көшбасшылық қасиеттерін көрсетеді деп сенемін. Қатысушыларға сәттілік тілеймін. Байқаудан бөлек залда көрермендерге арналып үш жәшік қойылған, жиналған қаржыны қаламыздың кішкентай тұрғыны Шапағаттың еміне жұмсау үшін анасына табыстаймыз. Байқауды тамашалау тегін ұйымдастырылған», — дейді облыстық жастар саясаты мәселелері жөніндегі басқарма басшысы Аманғали Нұрдәулетов.

Байқауға жеті жігіт қатысып, өлкедегі ірі өндіріс ошақтары «Маңғыстаумұнайгаз» АҚ, «Қаражанбасмұнай» АҚ, «Өзенмұнайгаз» АҚ, «Бұрғылау» ЖШС, «Бузачи Оперейтинг ЛТД» компания филиалы, «Ойл Транспорт Корпорейшэн» ЖШС, «Тұлпар Мұнай Сервис» ЖШС намысын қорғады.

Сан қырлы өнерлерімен танылған жігіттерге Маңғыстау облысы жастар саясаты мәселелері басқармасының басшысы Аманғали Нұрдаулетов, Маңғыстау облысының индустриалдық-инновациялық даму басқармасының басшысы Нұрбек Қарасаев, белгілі әнші, ханзадалардың төресі Ғаділбек Жаңай, Маңғыстау облысы кәсіподақтар орталығының төрағасы Қайрат Жанабеков, Астанадан келген «Қазақстан жастар конгрессі» заңды тұлғалар қауымдастығының атқарушы директоры Айдын Сәбитов, республикалық «Айқын» газетінің Маңғыстау облыстағы меншікті тілшісі Венера Мирлан, «Найза файтер» кәсіпқой спорт клубының жетекшісі Нұрбек Қарабалаев  көмекшілерімен төрелік етті.

Сайысқа қатысушылар таныстыру, сұрақ-жауап бойынша бақтарын сынап, өнерлерін ортаға салып, шеге қағудан, гір тасын көтеруден тапсырмаларды орындады. Бірі-гитарамен ән шырқаса, енді бірі-күмбірлете күй тартып, әр түрлі ұлттардың биін билеп, көрерменнің көңілін серпілтті.

Айта кетсек, сұрақ-жауап бөлімінде ел Тәуелсіздігінің 25 жылдығына орай, ЭКСПО-2017 көрмесі, ҚР Конституциясына қатысты қойылған сұрақтарға жауап беріп, интеллектуалдық деңгейлерінің де жоғары екенін көрсетті.

Тартысты өткен байқаудың қорытындысында бас жүлдеге ие болып, «Жігіт сұлтаны» атану «Қаражанбасмұнай» АҚ бұрғышысы Марат Мамбетовқа бұйырды.

Екінші орынға «Бузачи Оперейтинг Лтд» компания филиалының 4-ші разрядты мұнай және газ өндіру жөніндегі операторы Асхат Төреғали лайық деп танылса, үшінші орыннан «Тұлпар Мұнай Сервис» ЖШС ұңғыларды жерасты және күрделі жөндеу цехының бұрғышы көмекшісі Аманғали Қанатов көрінді.

Бас жүлдеге 150 мың теңге, екінші орынға 100 мың, үшінші орынға 50 мың, сондай-ақ, ынталандыру сыйлықтарына 10 мың теңге табысталды.


Редакция

Новости Казахстана

Полное воспроизведение или частичное цитирование материалов агентства допускаются только при наличии в первом абзаце гиперссылки на непосредственный адрес материала на сайте ИА «NewTimes.kz». Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 797820
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика