30 мыңнан астам шымкенттік үй кезегінде тұр

Шымкент қаласының өзінде 30 мыңнан астам адам тұрғын үй кезегінде тұр. Бұл туралы облыс әкімдігінің алқа  мәжілісінде қала басшысы Ғабидолла Әбдірахымов мәлім етті, деп хабарлайды NewTimes.kz.

Мәжілісте сөз алған Шымкент қаласының әкімі Ғабидолла Әбдірахымов тұрғын үй салуға «Шымкент» Әлеуметтік-кәсіпкерлік корпорациясы» арқылы инвесторлар тарту керектігін айтқан болатын.

«Бос пайдаланбай жатқан жерлер көп. Жер иелері көпқабатты тұрғын үй салуы керек, шамасы жетпесе жерді мемлекетке қайтаруы тиіс», - деді қала басшысы.

Жиында мемлекеттік  «Нұрлы жер» тұрғын үй бағдарламасының өңірдегі іске асырылу барысын баяндаған  Салыхан Сабырұлы облыс аумағында жыл соңына дейін  113 көпқабатты тұрғын үй пайдалануға берілетінін айтты. Оның сөзінше биыл 524,5 мың шаршы метрді құрайтын 169 тұрғын үйдің құрылысы жүргізіледі.

Айта кетсек, инфрақұрылым нысандарының құрылысы бойынша Республикалық бюджеттен  7,8 млрд. теңге бөлінді.  Аталған қаржыға облыста 14 нысанның құрылыс жұмыстары  жүргізіледі. Ағымдағы жылы 3 нысанды пайдалануға тапсыру жоспарланса, 11 нысанның құрылысы келесі жылға өтпелі. Жыл қортындысы бойынша 6119 жеке тұрғын үйлерге және 384 көп қабатты тұрғын үйге инфрақұрылым жүйелерінің құрылысы жүргізіледі. Баяндамашылардың есебін тыңдаған облыс әкімі  құрылыс саласындағы атқарылып жатқан іс-шараларға көңілі толмайтынын жеткізіп, аталған сала басшыларын сынға алды. Сонымен қатар үй тұрғызғанда оңтүстіктің  ауа райы да назардан тыс қалмауын ескертті.

«Тұрғын үй құрылысына жеке инвесторлар тартуды қолға алып, көпқабатты баспаналардың қатарын көбейтуіміз қажет. Қам кесектен жер үй салуды тоқтатып, сейсмикалық талаптарға сай еткен абзал. Сәулет , құрылыс, мемлекеттік сәулет бақылау басқармалары бірлесіп, тұрғын үй құрылысын дамытудың жаңа кешенді бағдарламасын әзірлеуі тиіс. Бұл іске аудан, қала басшылары да атсалысуы керек. Егер дəл қазіргі қалпымен кете берсе,  117 мың гектарды алып жатқан Шымкент үлкен  ауылға айналып кетеді. Қаланың сәулетті келбетін қалыпқа келтіру үшін бірлесіп жұмыс атқаруды тапсырамын», - деді Жансейіт Түймебаев.

В статье:
Loading...
Жанар Муканова -  понедельник, 25 октября в 06:00
Недоразвитый Балхаш
Жанар Муканова -  воскресенье, 24 октября в 01:29
Почему казахстанцы предпочитают жить в Турции
Айнур Оразбекова -  пятница, 22 октября в 03:29
Умка и Бульдозер: Чем запомнились акимы Южного Казахстана за 30 лет
Жанар Муканова -  вторник, 19 октября в 02:13
Оазис в центре Казахстана

26 октября, вторник